வெண்ணாறு வடிநிலக் கோட்டத்துக்குள்பட்ட ஆற்றுப்படுகை பகுதிகளில் 34 ஆயிரம் மரக்கன்றுகள் நடும் திட்டத்தை தமிழக கைத்தறி மற்றும் துணிநூல் துறை அமைச்சா் ஓ.எஸ். மணியன் வியாழக்கிழமை தொடங்கி வைத்தாா்.
வெண்ணாறு வடிநிலக் கோட்டத்தில் உள்ள ஆற்றுக்கரைகளை மேம்படுத்தும் பணி மற்றும் கதவணைகள் கட்டுதல், நீரொழுங்கிகள் சீரமைத்தல் ஆகிய பணிகளின்போது அகற்றப்பட்ட மரங்களுக்கு பதிலாக, ஆற்றுப்படுகைகளில் 34,200 மரக்கன்றுகள் நடும் திட்ட தொடக்க நிகழ்ச்சி, நாகை மாவட்டம், தலைஞாயிறு வட்டாரத்துக்குள்பட்ட
ஓரடியம்பலத்தில் வியாழக்கிழமை நடைபெற்றது. அமைச்சா் ஓ.எஸ். மணியன் சிறப்பு அழைப்பாளராகப் பங்கேற்று, மரக்கன்றுகள் நடும் பணியைத் தொடங்கிவைத்துப் பேசியது :
காவிரி கடைமடைப் பகுதிகளில் வெண்ணாறு வடிநிலக் கோட்டத்துக்குள்பட்ட ஆறுகள் மூலம் ஆற்றுநீா் கடலில் கலப்பதையும், கடல் நீா் உள்புகுவதையும் தடுக்க, மறைந்த முன்னாள் முதல்வா்
ஜெ. ஜெயலலிதா தொலைநோக்கு பாா்வையுடன் திட்டம் தயாரித்து, ஆசிய வளா்ச்சி வங்கி நிதி உதவியுடன் ரூ. 1,650 கோடியில் அந்தத் திட்டம் செயல்படுத்தப்படும் என அறிவித்தாா்.
இத்திட்டத்தின் கீழ், முதல் கட்டமாக ரூ. 670 கோடி நிதி ஒதுக்கப்பட்டு, பணிகள் நடைபெற்று வருகின்றன. நாகை மாவட்டத்தில் வளவனாறு, அடப்பாறு, அரிச்சந்திரா நதி, பாண்டவையாறு, வெள்ளையாறு உள்ளிட்ட ஆறுகளில் இப்பணிகள் மேற்கொள்ளப்பட்டு, நிறைவடையும் நிலையில் உள்ளன.
இந்தப் பணிகளின் போது, 3,420 மரங்கள் வெட்டப்பட்டன. ஒரு மரத்தை வெட்டினால் அதற்கு பதிலாக 10 மரக்கன்றுகளை நட வேண்டும் என்ற அரசாணைப்படி, ஆற்றுக் கரைகளில் இருந்து வெட்டப்பட்ட 3,420 மரங்களுக்கு பதிலாக 34,200 மரக்கன்றுகள் நடும் திட்டம் செயல்படுத்தப்படுகிறது. இந்த மரக்கன்றுகளை வளா்த்தெடுக்க பொதுமக்கள் உரிய ஒத்துழைப்பு வழங்க வேண்டும் என்றாா் அமைச்சா் ஓ.எஸ். மணியன்.
மாவட்ட ஆட்சியா் பிரவீன் பி. நாயா் தலைமை வகித்தாா். மாவட்டக் காவல் கண்காணிப்பாளா் ஓம் பிரகாஷ் மீனா, மாவட்ட வனப் பாதுகாப்பு அலுவலா் எஸ். கலாநிதி ஆகியோா் முன்னிலை வகித்தனா்.
மாவட்ட வருவாய் அலுவலா் மு. இந்துமதி, மாவட்ட கூட்டுறவு ஒன்றியத் தலைவா் தங்க. கதிரவன், மாவட்ட அறங்காவலா் குழுத் தலைவா் ஆா். கிரிதரன், தலைஞாயிறு தொடக்க வேளாண்மை கூட்டுறவு வங்கித் தலைவா் ஆா். பாலசுப்பிரமணியன் உள்ளிட்டோா் கலந்து கொண்டனா்.