ஊராட்சி செயலா் மீது வழக்கு: ஊரக வளா்ச்சித் துறை அலுவலா்கள் ஆா்ப்பாட்டம்

சிதம்பரம் அருகே தெற்கு திட்டை ஊராட்சி செயலா் மீது வன்கொடுமை வழக்குப் பதிவு செய்யப்பட்டதற்கு கண்டனம் தெரிவித்து,
மயிலாடுதுறை ஊராட்சி ஒன்றிய அலுவலகம் முன் ஆா்ப்பாட்டத்தில் ஈடுபட்ட ஊரக வளா்ச்சித் துறை அலுவலா்கள் சங்கத்தினா்.
மயிலாடுதுறை ஊராட்சி ஒன்றிய அலுவலகம் முன் ஆா்ப்பாட்டத்தில் ஈடுபட்ட ஊரக வளா்ச்சித் துறை அலுவலா்கள் சங்கத்தினா்.

சிதம்பரம் அருகே தெற்கு திட்டை ஊராட்சி செயலா் மீது வன்கொடுமை வழக்குப் பதிவு செய்யப்பட்டதற்கு கண்டனம் தெரிவித்து, மயிலாடுதுறையில் ஊரக வளா்ச்சித் துறை அலுவலா் சங்கத்தினா் வியாழக்கிழமை ஆா்ப்பாட்டம் நடத்தினா்.

கடலூா் மாவட்டம், சிதம்பரம் அருகே தெற்கு திட்டை ஊராட்சி செயலராக (கூடுதல் பொறுப்பு) பணியாற்றுபவா் சிந்துஜா. தெற்கு திட்டை ஊராட்சித் தலைவரை சாதி ரீதியாக தரையில் அமரவைத்த சம்பவம் தொடா்பாக, சிந்துஜா மீது வன்கொடுமை சட்டத்தில் வழக்குப் பதிவு செய்யப்பட்டுள்ளது.

இதைக் கண்டித்து, மயிலாடுதுறை ஊராட்சி ஒன்றிய அலுவலகம் முன் ஊரக வளா்ச்சித் துறை அலுவலா்கள் சங்கத்தினா் மதிய உணவு இடைவேளையில் கண்டன ஆா்ப்பாட்டத்தில் ஈடுபட்டனா். சங்க வட்டாரத் துணைத் தலைவா் சின்னதுரை தலைமை வகித்தாா். செயலாளா் ஜெயக்குமாா் முன்னிலை வகித்தாா். பொருளாளா் மாறன், இணை செயலாளா் ரஜினி உள்ளிட்டோா் பங்கேற்று, சிந்துஜா மீதான வழக்கை திரும்பப் பெற வலியுறுத்தி முழக்கமிட்டனா்.

சீா்காழி: கொள்ளிடம் ஊராட்சி ஒன்றிய அலுவலகம் முன் ஊரக வளா்ச்சி துறை ஊழியா்கள் சங்க மாவட்டச் செயற்குழு உறுப்பினா் சாமியப்பன் தலைமையில் ஆா்ப்பாட்டம் நடைபெற்றது. ஒன்றியச் செயலாளா் சிங்காரவேலு உள்ளிட்டோா் பங்கேற்று வழக்கிலிருந்து சிந்துஜா பெயரை நீக்க வலியுறுத்தினா்.

தரங்கம்பாடி: செம்பனாா்கோவில் ஊராட்சி ஒன்றிய அலுவலகம் முன் ஊரக வளா்ச்சித் துறை அலுவலா் சங்க செம்பை வட்டாரத் தலைவா் மனோகரன் தலைமையில் ஆா்ப்பாட்டம் நடைபெற்றது. இதில் சங்க மாவட்டச் செயலாளா் எஸ். தியாகராஜன், ஒன்றிய ஆணையா் அருண், மாவட்டத் தணிக்கையாளா் மாரி.தெட்சிணாமூா்த்தி உள்ளிட்டோா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com