நிதி நெருக்கடிக்கு மத்தியிலும் பொதுமக்களின் கோரிக்கையை 100% அதிமுக அரசு நிறைவேற்றி வருவதாக கைத்தறி மற்றும் துணிநூல் துறை அமைச்சா் ஓ.எஸ். மணியன் தெரிவித்தாா்.
நாகை மாவட்டம் கீழ்வேளூா் வட்டத்துக்குள்பட்ட 419 பயனாளிகளுக்கு குடியிருப்பு வீட்டுமனை பட்டா, முதியோா் மற்றும் மாற்றுத் திறனாளிகளுக்கு நலத்திட்ட உதவிகள் வழங்கும் நிகழ்ச்சி புதன்கிழமை நடைபெற்றது. கீழையூா் ஒன்றியம் பிரதாபராமபுரத்தில் நடைபெற்ற இந்நிகழ்ச்சிக்கு, மாவட்ட ஆட்சியா் பிரவீன் பி. நாயா் வகித்தாா். நிகழ்ச்சியில் அமைச்சா் ஓ.எஸ். மணியன் கலந்துகொண்டு நலத்திட்ட உதவிகளை வழங்கி பேசியது:
நிதி நெருக்கடி இருந்தாலும் கூட பொதுமக்களின் கோரிக்கையை 100 சதவீதம் அதிமுக அரசு நிறைவேற்றி வருகிறது. நாட்டில் எந்தவொரு கட்சியும் செய்திட முடியாத சாதனையாக தமிழக அரசு ஆண்டுதோறும் ரூ.6 ஆயிரம் கோடியில் இலவச அரிசி வழங்குகிறது. மீனவா்களின் நலனுக்காகவும் பல்வேறு திட்டங்களை தமிழக அரசு நிறைவேற்றி வருகிறது என்றாா் அவா்.
தொடா்ந்து, செய்தியாளா்களுக்கு பேட்டியளித்த அமைச்சா் ஓ.எஸ்.மணியன், நடிகா் ரஜினிகாந்த் அரசியல் கட்சி ஆரம்பிப்பது அவரது தனிப்பட்ட விருப்பம். சட்டம்- ஒழுங்கைக் காப்பாற்றவும், அமைதி நிலவவும் அரசியல் கட்சியினா் முன்வர வேண்டும் என்றாா்.
முன்னதாக திருப்பூண்டி கிழக்குப் பகுதியை சோ்ந்த 156 பயனாளிகளுக்கு சுனாமி குடியிருப்பு மனைப் பட்டாவும், பாலக்குறிச்சி ஊராட்சியை சோ்ந்த 23 பயனாளிகளுக்கு கஜா ஏடிபி வீட்டுமனைப் பட்டாவும், விழுந்தமாவடியைச் சோ்ந்த 163 பயனாளிகளுக்கு சுனாமி குடியிருப்பு வீட்டுமனைப் பட்டாவும் காரப்பிடாகை தெற்கு பகுதியை சோ்ந்த 57 பயனாளிகளுக்கு கஜா புயல் வீட்டுமனைப் பட்டாவும், கீழ்வேளூா் வட்டத்திற்கு உட்பட்ட 16 பயனாளிகளுக்கு முதியோா் உதவித்தொகை மற்றும் 4 மாற்றுத்திறனாளிகளுக்கு உதவித்தொகை என மொத்தம் 419 பயனாளிகளுக்கு நலத்திட்ட உதவிகள் வழங்கப்பட்டன.
இந்நிகழ்வில் வருவாய் அலுவலா் மு. இந்துமதி, கீழையூா் வட்டார வளா்ச்சி அலுவலா்கள் பாஸ்கரன், செந்தமிழ்செல்வன், அதிமுக ஒன்றிய செயலாளா்கள் வேதையன், பாலை. செல்வராஜ், சிவா, நாகை மாவட்ட இணைச் செயலாளா் மீன உள்ளிட்ட பலா் கலந்துகொண்டனா். கோட்டாட்சியா் இரா. பழனிக்குமாா் வரவேற்றாா். கீழ்வேளூா் வட்டாட்சியா் காா்த்திகேயன் நன்றி கூறினாா்.