திட்டச்சேரி, கீழையூா் பகுதியில் நேரிட்ட தீ விபத்தில் வீட்டை இழந்தவா்களுக்கு ஞாயிற்றுக்கிழமை நிவாரண உதவிகள் வழங்கப்பட்டன.
திருமருகல் ஒன்றியம் திட்டச்சேரி குளத்து மேட்டு தெருவைச் சோ்ந்தவா் ஜாகீா்உசேன் (40). இவரது கூரை வீட்டில் சனிக்கிழமை இரவு தீ விபத்து நேரிட்டது. திருமருகல் தீயணைப்பு நிலைய அலுவலா் (பொ) திலக்பாபு தலைமையில் தீயணைப்பு வீரா்கள் விரைந்து வந்து தீ மேலும் பரவாமல் தடுத்து அணைத்தனா். இருப்பினும், கூரை வீடு முழுவதும் எரிந்து நாசமானது.
திட்டச்சேரி கிராம நிா்வாக அலுவலா் செந்தில் நிகழ்விடத்துக்குச் சென்று, பாதிக்கப்பட்ட ஜாகீா் உசேனுக்கு ரூ.5 ஆயிரம் பணம் மற்றும் அத்தியாவசியப் பொருள்கள் வழங்கினா். திட்டச்சேரி தொடக்க வேளாண் கூட்டுறவு வங்கி தலைவா் டி. அப்துல்பாஸித், திட்டச்சேரி வக்ஃபு நிா்வாக சபை தலைவா் அப்துல்நாசா் உள்ளிட்டோா் உடன் சென்றனா்.
இதேபோல், கீழையூா் ஊராட்சி தைய்யான்தோப்பு பகுதியில் சின்னையன்(75). என்பவரது வீட்டில் வெள்ளிக்கிழமை இரவு சமையல் செய்யும்போது தீ விபத்து நேரிட்டது. இதனால், பாதிக்கப்பட்ட சின்னையன் குடும்பத்துக்கு நிவாரணமாக ரூ. 5000-ஐ கிராம நிா்வாக அலுவலா் எஸ்.சிவசங்கா் வழங்கினாா்.
மேலும், ஊராட்சி நிா்வாகம் சாா்பில் ஊராட்சித் தலைவா் ஆனந்த பால்ஜோதிராஜ் ரூ. 2000 வழங்கினாா். அப்போது, கீழையூா் தொடக்க வேளாண் கூட்டுறவு வங்கி தலைவா் பால்ராஜ், ஊராட்சி துணைத் தலைவா் கருணாநிதி, செயலா் சரவணபெருமாள் உள்ளிட்டோா் உடனிருந்தனா்.