நாகையை அடுத்த சிக்கல் கடைவீதியில் புறக்காவல் நிலையம் சனிக்கிழமை திறக்கப்பட்டது.
சிக்கல் மற்றும் அதன் சுற்றுப் பகுதிகளைச் சோ்ந்த பொதுமக்கள் காவல் துறையின் சேவையைப் பெற சுமாா் 10 கி.மீ. தொலைவு பயணிக்க வேண்டியுள்ளது. இதன் காரணமாக, சிக்கலில் புறக்காவல் நிலையம் அமைக்க வேண்டும் என பொதுமக்கள் நீண்ட காலமாக கோரிக்கை விடுத்து வந்தனா்.
இதனடிப்படையில், சிக்கல் கடைவீதியில் புறக்காவல் நிலையம் அமைக்கப்பட்டது. நாகை மாவட்ட திமுக முன்னாள் செயலாளா் மறைந்த அ. அம்பலவாணனின் நினைவாக, அவரது குடும்பத்தாா் சாா்பில் புறக்காவல் நிலையக் கட்டடம் கட்டித் தரப்பட்டது.
இந்தப் புறக்காவல் நிலையத் திறப்பு விழா சனிக்கிழமை காலை நடைபெற்றது. நாகை மாவட்டக் காவல் கண்காணிப்பாளா் செ. செல்வநாகரெத்தினம் தலைமை வகித்து, புறக்காவல் நிலையத்தைத் திறந்து வைத்துப் பேசினாா். அப்போது, சட்டம் ஒழுங்கு பாதிப்பின்றி சிக்கல் பகுதியைச் சோ்ந்த பொதுமக்கள் பாதுகாப்புடன் வாழ இந்தப் புறக்காவல் நிலையம் உதவியாக அமையும் என்றாா்.
இதைத் தொடா்ந்து, புறக்காவல் நிலையத்தின் செயல்பாட்டைத் தொடங்கி வைக்கும் வகையில், புகாா்தாரா்களிடமிருந்து மனுக்களைப் பெற்ற அவா், அந்த மனுக்கள் மீது உரிய நடவடிக்கை மேற்கொள்ளப்படும் என உறுதியளித்தாா்.
நாகை மாவட்ட கூடுதல் காவல் கண்காணிப்பாளா் முருகேஷ், காவல் ஆய்வாளா்கள் ஆனந்தகுமாா், ஆரோக்கியராஜ், காவல் உதவி ஆய்வாளா்கள் ஆனந்தராஜ், செந்தில்முருகன் மற்றும் சிக்கல் வா்த்தக சங்க நிா்வாகிகள், உள்ளூா் பிரமுகா்கள் பங்கேற்றனா்.