மயிலாடுதுறை சட்டப்பேரவைத் தொகுதியில் வாக்குப் பதிவு அமைதியான முறையில் செவ்வாய்க்கிழமை நடைபெற்றது. வள்ளாலகரம் ஊராட்சி நாகங்குடி வாக்குச் சாவடியில் வெயில் தாக்கத்தால் 2 பெண்கள் மயக்கமடைந்தனா்.
மயிலாடுதுறை சட்டப்பேரவைத் தொகுதியில் 1,21,166 ஆண் வாக்காளா்கள், 1,23,841 பெண் வாக்காளா்கள் மற்றும் இதரா் 15 போ் என 2,45,022 வாக்காளா்கள் உள்ளனா். இத்தொகுதியில் 342 வாக்குச் சாவடி மையங்கள் அமைக்கப்பட்டிருந்தன. இவற்றில் பதற்றமானதாக கண்டறியப்பட்ட 20 வாக்குச்சாவடிகளில் கூடுதல் போலீஸாா் பாதுகாப்புப் பணியில் ஈடுபடுத்தப்பட்டனா்.
அனைத்து வாக்குச் சாவடி மையங்களிலும் கரோனா முன்னெச்சரிக்கை நடவடிக்கைகள் மற்றும் அடிப்படை வசதிகள் செய்யப்பட்டிருந்தன. மேலும், பொதுமக்கள் அச்சமின்றி வாக்களிக்க மயிலாடுதுறை மாவட்ட காவல் கண்காணிப்பாளா் என். ஸ்ரீநாதா தலைமையில் இந்தோ-திபெத் எல்லை பாதுகாப்பு படையினா் மற்றும் போலீஸாா் பாதுகாப்புப் பணியில் ஈடுபடுத்தப்பட்டனா்.
அனைத்து வாக்குச் சாவடிகளிலும் வேட்பாளா்களின் முகவா்கள் முன்னிலையில் மாதிரி வாக்குப் பதிவு நடத்தப்பட்டு, காலை 7 மணிக்கு வாக்குப்பதிவு தொடங்கியது. வாக்காளா்கள் நீண்ட வரிசையில் காத்திருந்து ஜனநாயக கடமை ஆற்றினா்.
வாக்குப் பதிவு இயந்திரங்களில் கோளாறு: ஒருசில வாக்குச்சாவடி மையங்களில் வாக்குப்பதிவு இயந்திரங்களில் கோளாறு காரணமாக வாக்குப்பதிவு தாமதமாகத் தொடங்கியது. திருவிழந்தூா் நகராட்சி தொடக்கப் பள்ளியில் உள்ள 131-வது வாக்குச்சாவடியில் வாக்கு இயந்திரத்தில் ஏற்பட்ட பழுது காரணமாக 20 நிமிடங்கள் தாமதமாக வாக்குப்பதிவு தொடங்கியது.
மயிலாடுதுறை சேந்தங்குடியில் வாக்குச்சாவடி எண்161-ல் ஒரு வாக்குப்பதிவு இயந்திரம் பழுதடைந்தது. தோ்தல் பாா்வையாளா் ராஜ்குமாா் யாதவ் நேரில் வந்து ஆய்வு செய்தாா். பிறகு, பழுது நீக்கப்பட்டு, வாக்குப் பதிவு தொடா்ந்து நடைபெற்றது. இதன் காரணமாக இந்த வாக்குச் சாவடியில் சுமாா் ஒருமணி நேரம் வாக்குப் பதிவு நிறுத்தப்பட்டது.
வாக்குவாதம்: திருவிழந்தூா் நகராட்சி தொடக்கப் பள்ளியில் வாக்குச்சாவடி மையத்தின் முன் திமுக நகர செயலாளா் செல்வராஜ் இருசக்கர வாகனத்தை நிறுத்தினாா். அவரை போலீஸாா் எச்சரித்தனா். இதனால், வாக்குவாதம் ஏற்பட்டது. இதையடுத்து, அங்கு நின்றிருந்த அதிமுக பிரமுகா்கள் சமரசம் செய்துவைத்தனா்.
வரிசையில் காத்திருந்த பாமக வேட்பாளா்:
இத்தொகுதியில் போட்டியிடும் பாமக வேட்பாளா் சித்தமல்லி ஆ. பழனிசாமி, தனது சொந்த கிராமமான சித்தமல்லியில் உள்ள வாக்குச்சாவடி எண் 1-ல், பொதுமக்களுடன் நீண்ட வரிசையில் காத்திருந்து வாக்களித்தாா்.
காங்கிரஸ் மூத்த தலைவரும் மத்திய முன்னாள் அமைச்சருமான மணிசங்கா் அய்யா், அவரது மனைவி கௌவுல், காங்கிரஸ் வேட்பாளா் எஸ். ராஜகுமாா் ஆகியோா் மயிலாடுதுறை செயின்ட் பால்ஸ் தொடக்கப் பள்ளி வாக்குச்சாவடியில் வாக்களித்தனா்.
இரண்டு பெண்கள் மயக்கம்: வள்ளாலகரம் ஊராட்சி நாகங்குடியில் உள்ள மையத்தில் பெண்கள் வாக்களிக்க மகளிா் சுய உதவிக் குழுவின் சிறிய கட்டடத்தில் வாக்குச்சாவடி அமைக்கப்பட்டிருந்தது. இந்த கட்டடத்தின் முன் சிறிய அளவிலே சாமியானா பந்தல் அமைக்கப்பட்டிருந்தது. இதனால், பெண்கள் நீண்ட நேரம் வெயிலில் காத்திருந்தனா். அப்போது, இரண்டு பெண்கள் வெயிலின் தாக்கத்தால் மயக்கம் அடைந்தனா்.
மூத்த குடிமக்கள் ஆா்வம்: மூத்தகுடி மக்கள் வெயிலையும் பொருட்படுத்தாமல் தங்கள் உறவினருடன் வந்து ஆா்வமுடன் வாக்களித்தனா். வில்லியநல்லூரைச் சோ்ந்த மீனாம்பாள் (85), அவரது சகோதரி லட்சுமி (82) ஆகிய இருவரும் வாக்குச்சாவடி மையத்துக்குள் வீல்சேரில் அழைத்துச் செல்லப்பட்டு, வாக்களித்தனா். இதேபோல, ஆனந்ததாண்டவபுரத்தில் மயிலாடுதுறை சட்டப்பேரவை உறுப்பினா் ராதாகிருஷ்ணனின் தாயாா் அம்மாகுஞ்சு வீரப்பன் (85) வாக்களித்தாா்.