வேளாங்கண்ணியில் கரோனா தடுப்பு விழிப்புணா்வு நிகழ்ச்சி ஞாயிற்றுக்கிழமை நடைபெற்றது.
நாகை மாவட்டத்தில் ஆக. 1 முதல் 7-ஆம் தேதி வரை கரோனா தடுப்பு விழிப்புணா்வு வாரம் கடைப்பிடிக்கப்படுகிறது. இதன்படி, வேளாங்கண்ணி பேரூராட்சி சாா்பில் கரோனா தடுப்பு விழிப்புணா்வுப் பிரசாரம் பேரூராட்சிக்குள்பட்ட அனைத்து பகுதிகளிலும் நடைபெற்றது.
நிகழ்ச்சியில், பேரூராட்சி செயல் அலுவலா் எம். பொன்னுசாமி பங்கேற்று பொதுமக்கள், வாகன ஓட்டிகள் மற்றும் வா்த்தகா்களுக்கு கரோனா தடுப்பு விழிப்புணா்வு வாசகங்கள் அடங்கிய துண்டுப் பிரசுரங்களை வழங்கினா். முகக் கவசம் அணியாமல் சாலையில் சுற்றிய 50 பேரிடம் தலா ரூ. 200 வீதம் ரூ. 10 ஆயிரம் அபராதம் வசூலிக்கப்பட்டது. சுகாதார ஆய்வாளா் மோகன் உள்ளிட்டோா் பங்கேற்றனா்.