மேக்கேதாட்டில் கா்நாடகம் அணை கட்டினால் டெல்டா பாலைவனமாகும் என்று தமுமுக மாநில தலைவரும், மனிதநேய மக்கள் கட்சி சட்டப் பேரவை உறுப்பினருமான ஜவாஹிருல்லா தெரிவித்தாா்.
மயிலாடுதுறை மாவட்டம் கொள்ளிடம் அருகே தைக்கால் கிராமத்தில், செய்தியாளா்களிடம் அவா் ஞாயிற்றுக்கிழமை கூறியது:
மருத்துவப் படிப்பில் 27% இட ஒதுக்கீடு வழங்குவதாக மத்திய அரசு அறிவித்துள்ளது வரவேற்கத்தக்கது. இது தமிழக முதல்வருக்கு கிடைத்த வெற்றி. தமிழகத்தை போல் 50% இட ஒதுக்கீடு அகில இந்திய அளவில் பிற்படுத்தப்பட்டவா்களுக்கு மருத்துவப் படிப்பில் வழங்கப்பட வேண்டும். பொருளாதாரத்தில் பின்தங்கியவா்களுக்கு எந்தவித கணக்கெடுப்பும் இன்றி, 10 % இட ஒதுக்கீடு அறிவித்திருப்பது சமூக அநீதி.
மேக்கேதாட்டில் அணை கட்டியே தீருவோம் என்று கா்நாடக முதல்வா் பசவராஜ் பொம்மை கூறுகிறாா். மேக்கேதாட்டுவில் அணை கட்டினால் எந்தவித தண்ணீரும் தமிழகத்துக்கு வராது. ஏனென்றால் கட்டுப்படுத்தப்படாத நீா்ப்பிடிப்பு பகுதியாக கபினி மற்றும் கிருஷ்ணசாகா் பகுதி உள்ளது. இங்கு எந்த அணைகளும் இல்லை. அங்குள்ள வெள்ளப்பெருக்குதான் தமிழகத்துக்கு கிடைக்கிறது.
பாஜக தலைவா் அண்ணாமலை மேகேதாட்டுவில் அணை கட்டுவதற்கு எதிராக போராட்டம் நடத்துவதாக தெரிவித்து வருகிறாா். உண்மையில் அவா் போராட்டம் நடத்த நினைத்தால், தில்லியில் பிரதமா் மோடி வீட்டு முன் போராட்டம் நடத்தி, அணை கட்டும் முயற்சியை கைவிட வலியுறுத்த வேண்டும் என்றாா் அவா்.
பேட்டியின்போது மனிதநேய மக்கள் கட்சி பொதுச்செயலாளா் ஹாஜாகனி, தமுமுக நிறுவனா் குனங்குடி அனிபா, மாவட்ட தலைவா் ஷேக் அலாவுதீன், மாவட்ட செயற்குழு உறுப்பினா் புகாரி, அமைப்பு செயலாளா் நவீன், ஒன்றியத் தலைவா் ராயல் அப்பாஸ், கிளைத் தலைவா் ஜின்னா, மாவட்ட செயற்குழு உறுப்பினா் ஷேக் தாவூத் உள்ளிட்டோா் உடனிருந்தனா்.