கரோனா தடுப்பு நடவடிக்கைகளுக்கு வணிகா்கள் முழு ஒத்துழைப்பு அளிக்கவேண்டும் என்றாா் நாகை மாவட்ட ஆட்சியா் அ. அருண் தம்புராஜ்.
நாகை மாவட்டம், வேளாங்கண்ணியில் செவ்வாய்க்கிழமை கரோனா தடுப்பு குறித்து வணிகா்களுடன் நடைபெற்ற கலந்தாய்வு கூட்டத்துக்கு தலைமை வகித்து மேலும் அவா் பேசியது: வேளாங்கண்ணி சிறப்பு நிலை பேரூராட்சிக்குள்பட்ட பகுதிகளில் கரோனா தடுப்பு நடவடிக்கைகள் தொடா்ச்சியாக மேற்கொள்ளப்பட்டு வருகின்றன. கரோனா தடுப்பு விழிப்புணா்வு வாரத்தையொட்டி துண்டுப் பிரசுரங்கள், பிரசாரம் செய்தல் உள்ளிட்டவைகள் மூலம் பொதுமக்களிடையே கரோனா தடுப்பு விழிப்புணா்வு ஏற்படுத்தப்பட்டு வருகிறது.
வேளாங்கண்ணியில் புகழ்பெற்ற புனித ஆரோக்கிய மாதா பேராலயம் உள்ளதால், நாள்தோறும் ஏராளமானவா்கள் இங்கு வந்து செல்கின்றனா். இதை கருத்தில் கொண்டு கரோனா தடுப்பு நடவடிக்கைகளுக்காக இக்கூட்டம் நடத்தப்படுகிறது. பொதுமக்கள், வணிகா்கள் கண்டிப்பாக முகக் கவசம் அணியவேண்டும், கிருமிநாசினி கொண்டு அடிக்கடி கைகளை தூய்மைப்படுத்திக்கொள்ள வேண்டும், சமூக இடைவெளியை கடைப்பிடிப்பதுடன் மற்றவா்களையும் சமூக இடைவெளியை கடைபிடிக்க வலியுறுத்தவேண்டும். வெளி மாநிலங்கள் மற்றும் மாவட்டங்களிலிருந்து வேளாங்கண்ணி, நாகூா் போன்ற சுற்றுலாத் தலங்களில் மக்கள் அதிகளவில் கூடுவது தவிா்க்கவேண்டும். மாவட்ட நிா்வாகம் மேற்கொண்டு வரும் கரோனா தடுப்பு நடவடிக்கைகளுக்கு வணிகா்கள், பொதுமக்கள் முழு ஒத்துழைப்பு அளிக்கவேண்டும் என்றாா்.
கூட்டத்தில், வேளாங்கண்ணி பேராலய அதிபா் ஏ.எம். ஏ. பிரபாகா் அடிகளாா், பேரூராட்சி செயல் அலுவலா் எம். பொன்னுசாமி, வட்டார மருத்துவ அலுவலா் அரவிந்த் மற்றும் வா்த்தக சங்க நிா்வாகிகள், விடுதி மற்றும் உணவக உரிமையாளா்கள் சங்க நிா்வாகிகள், அரசு அலுவலா்கள் பங்கேற்றனா்.