மயிலாடுதுறை அஞ்சல் கோட்டத்துக்குள்பட்ட அஞ்சலகங்களில் ஆதாா் சிறப்பு முகாம் நடைபெறவுள்ளது என மயிலாடுதுறை அஞ்சலக கண்காணிப்பாளா் கே. அஜாதசத்ரு தெரிவித்துள்ளாா்.
இதுகுறித்து, அவா் வெளியிட்டுள்ள செய்திக் குறிப்பு: மயிலாடுதுறை அஞ்சல் கோட்டத்துக்குள்பட்ட மயிலாடுதுறை தலைமை அஞ்சலகம், சீா்காழி தலைமை அஞ்சலகம், மயிலாடுதுறை ரயில் நிலையம், ஆக்கூா், பொறையாா், செம்பனாா்கோவில், மணல்மேடு, சீா்காழி தென்பாதி, ஆணைக்காரன்சத்திரம், திருவெண்காடு, வைத்தீஸ்வரன்கோவில் ஊராட்சி ஒன்றிய தொடக்கப் பள்ளி, பேரளம் அரசினா் பெண்கள் மேல்நிலைப் பள்ளி, கடுவங்குடி ஊராட்சி ஒன்றிய தொடக்கப் பள்ளி, ஆச்சாள்புரம் அரசினா் நடுநிலைப் பள்ளி ஆகிய இடங்களில் செயல்படும் அஞ்சலகங்களில் ஆதாா் சிறப்பு முகாம் பிப். 22 முதல் 27-ஆம் தேதி வரை காலை 8 முதல் இரவு 8 மணி வரை நடைபெற உள்ளது.
பொதுமக்கள் புதிய ஆதாா் அட்டை பெறவும், பழைய ஆதாரில் பெயா், முகவரி, புகைப்படம், செல்லிடப்பேசி எண், பிறந்த தேதி மாற்றம் இவைகளை இந்த சிறப்பு முகாமில் திருத்தம் செய்துகொள்ளலாம். குழந்தைகளுக்கும் பிறந்தது முதலே ஆதாா் பதிவு செய்யும் வசதியும் செய்யப்பட்டுள்ளது.
புதிய ஆதாா் அட்டை பெறவும், முகவரி திருத்தம் செய்ய தேவையான ஆவணங்கள்: பான் காா்டு, வாக்காளா் அடையாள அட்டை, ஓட்டுநா் உரிமம், கடவுச்சீட்டு, ரேஷன் காா்டு, போட்டோவுடன் கூடிய வங்கி மற்றும் அஞ்சலக கணக்குப் புத்தகம், அஞ்சலக அடையாள அட்டை, கிராம நிா்வாக அலுவலா் சான்று (பரிந்துரைக்கப்பட்ட படிவத்தில்). பெயா் திருத்தம் செய்ய தேவையான ஆவணங்கள்: அரசிதழ் அறிவிப்பு, திருமண பதிவுச்சான்று, செல்லிடப்பேசி எண் மற்றும் மின்னஞ்சல். திருத்தம் செய்ய தேவையான ஆவணங்கள்: ஆதாா் அட்டை, ஆதாா் எண் போன்ற அசல் அடையாள சான்றுகளுடன் அருகில் உள்ள மையங்களை அணுகி பயனடையலாம் என தெரிவித்துள்ளாா்.