Enable Javscript for better performance
தருமபுரம் ஆதீனத்தில் வேத சிவாகம தேவாரப் பாடசாலை புதிய கட்டடம் திறப்பு- Dinamani

சுடச்சுட

    

    தருமபுரம் ஆதீனத்தில் வேத சிவாகம தேவாரப் பாடசாலை புதிய கட்டடம் திறப்பு

    By DIN  |   Published on : 22nd February 2021 08:24 AM  |   அ+அ அ-   |    |  

    myl21adheenam_2102chn_103_5

    மயிலாடுதுறை தருமபுரம் ஆதீனத்தில் வேத சிவாகம தேவாரப் பாடசாலையின் புதிய கட்டடத் திறப்புவிழா ஞாயிற்றுக்கிழமை நடைபெற்றது.

    நிகழ்வில், சென்னை மகாலெட்சுமி சாரிடபிள் டிரஸ்ட் நிறுவனா் மகாலெட்சுமி சுப்பிரமணியம் குத்துவிளக்கேற்றி வைத்தாா்.

    தருமபுரம் ஆதீனம் கலைக் கல்லூரிச் செயலா் இரா. செல்வநாயகம் அறிமுக உரையாற்றினாா்.

    நிகழ்ச்சிக்கு தலைமை வகித்து, தருமபுரம் ஆதீனம் 27ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள், அருளாசி வழங்கி பேசியது:

    தருமபுரம் ஆதீனத்தில் 24ஆவது குருமகா சந்நிதானம் காலத்தில் தேவாரப் பாடசாலையும், அதன் பின்னா் 6 மாதங்களில் வேத ஆகம பாடசாலையும் தொடங்கப்பட்டது. பிறகு சிறிது காலம் செயல்படாமல் இருந்த பாடசாலை சாா்வரி தமிழ்ப் புத்தாண்டு தினத்தில் மீண்டும் தொடங்கப்பட்டது. தொடா்ந்து, ஞானசம்பந்தா் ஆன்மிக மாத இதழ் தொடங்கப்பட்டது.

    தினமணியின் தலையங்கத்தை மேற்கோள்காட்டிய தருமபுரம் ஆதீனம்:

    பல ஆண்டுகளுக்கு முன்பு தினமணி நாளிதழில் வெளியான ‘சைவத்தின் வாடிகன் சிட்டியாக தருமபுரம் ஆதீனம் விளங்குகிறது’ என்ற தலையங்கத்தை ஆதீனம் தனது பேச்சில் மேற்கோள்காட்டினாா். மையத்தில் கோயில், அதனைச் சுற்றிலும் நான்கு வீதிகள், அதனைச் சுற்றிலும் மதில்கள், தோட்டம், அதனைச் சுற்றிலும் மீண்டும் மதில்கள் என தருமபுரம் ஆதீனத்தின் அமைப்பு வாடிகன் சிட்டி போன்று விளங்குவதாக அவா்தம் உரையில் குறிப்பிட்டாா்.

    திருப்பனந்தாள் ஸ்ரீகாசிமடத்து 21ஆவது அதிபா் ஸ்ரீலஸ்ரீ காசிவாசி முத்துக்குமாரசுவாமி தம்பிரான் சுவாமிகள் முன்னிலை வகித்து, ‘சமய ஒழுக்கம்’, ‘சொக்கநாத வெண்பா சிவபோகசாரம்’ நூல்களை வெளியிட்டு வாழ்த்தி பேசினாா்.

    கூனம்பட்டி கல்யாணபுரி ஆதீனம் 57ஆவது குருமகா சந்நிதானம் ஸ்ரீலஸ்ரீ இராஜசரவண மாணிக்கவாசக சுவாமிகள் ‘சோடச விக்னேஷ்வர நாமானி’ என்ற நூலை வெளியிட்டாா்.

    முன்னதாக, சென்னை உயா்நீதிமன்ற நீதியரசா் ஆா். மகாதேவன் வேத சிவாகம, தேவாரப் பாடசாலை புதிய கட்டடத்தையும், சென்னை உயா்நீதிமன்ற நீதியரசா் ஆா். சுப்பிரமணியன் தேவாரப் பாடசாலை தங்கும் விடுதி கட்டடத்தையும், சென்னை உயா்நீதிமன்ற நீதியரசா் வி. சிவஞானம் தேவாரப் பாடசாலை குடிலையும், மதுரை தொழிலதிபா் கருமுத்து.கண்ணன் தேவாரப் பாடசாலை வளைவையும், பிள்ளையாா்பட்டி கற்பக விநாயகா் வேதஆகம வித்யாலய முதல்வா் கே. பிச்சை குருக்கள் வேதசிவாகம வித்யாசாலை குடிலையும், திருப்பரங்குன்றம் ஸ்ரீஸ்கந்தகுரு வித்யாலய முதல்வா் எஸ்.கே. சந்திரசேகர பட்டா் வேதசிவாகம வித்யாசாலை குடிலையும் திறந்து வைத்து வாழ்த்தி பேசினா்.

    நிகழ்ச்சியில், தருமபுரம் ஆதீனக் கல்வி நிலையங்களின் நிா்வாகிகள் கு.சௌந்திரராஜன், வழக்குரைஞா் கே.ராஜேந்திரன், பேராசிரியா் சிவச்சந்திரன் மற்றும் பண்ணை டி.சொக்கலிங்கம், வழக்குரைஞா் சேயோன், கல்லூரி முதல்வா் எஸ்.சுவாமிநாதன், தேவாரப் பாடசாலை மாணவா்கள் மற்றும் பொதுமக்கள் பங்கேற்றனா்.

    முன்னதாக, திருநெல்வேலி தென்மண்டலக் கட்டளை விசாரணை ஸ்ரீமத் திருஞானசம்பந்தத் தம்பிரான் சுவாமிகள் வரவேற்றாா்.

    வேத சிவாகம தேவாரப் பாடசாலை நிா்வாக அலுவலா் குரு. சம்பத்குமாா் நன்றி கூறினாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp