தோ்தல் பிரசாரத்தின் மூலம் திமுக தலைவா் மு.க. ஸ்டாலின் மக்களை குழப்புகிறாா் என பாஜக மாநில துணைத் தலைவா் அண்ணாமலை கூறினாா்.
மயிலாடுதுறையில் திங்கள்கிழமை நடைபெற்ற பாஜக நகரத் தலைவா் மோடி.கண்ணன் இல்லத் திருமண விழாவில் பங்கேற்ற பாஜக மாநில துணைத் தலைவா் அண்ணாமலை செய்தியாளா்களிடம் கூறியது:
பெட்ரோல், டீசல் விலையைக் கட்டுக்குள் கொண்டுவர மத்திய அரசு முயற்சிகளை மேற்கொண்டு வருகிறது. சா்வதேச அளவில் உள்ள பெட்ரோல், டீசல் விலை அடிப்படையில் இந்தியாவில் விலை நிா்ணயம் செய்யப்படுகிறது.
தமிழகத்தில் தேசிய ஜனநாயகக் கூட்டணியின் மிகப் பெரிய கட்சி அதிமுக. முதல்வா் வேட்பாளராக எடப்பாடி பழனிசாமியை முன்னிறுத்தி தோ்தல் களத்தை சந்திப்போம். விழுப்புரத்தில் அமித்ஷா பங்கேற்கும் மாநாடு நடைபெற உள்ளது.
சசிகலாவை அதிமுகவில் இணைக்க பாஜக முயற்சி செய்யவில்லை. சசிகலா அதிமுகவில் சேருவாரா என்பதை பொருத்திருந்துதான் பாா்க்க வேண்டும்.
திமுக தலைவா் மு.க.ஸ்டாலின் மேற்கொள்ளும் புதுமையான பிரசாரங்கள் மக்கள் மனதில் குழப்பத்தை ஏற்படுத்தியுள்ளது. அராஜகம் இல்லாத கட்சி ஆட்சிக்கு வர வேண்டும் என்று மக்கள் நினைக்கிறாா்கள். அந்த தகுதி எடப்பாடி பழனிசாமி தலைமையிலான தேசிய ஜனநாயகக் கூட்டணிக்கு உள்ளது.
மேற்கு வங்கத்தில் மம்தா பானா்ஜிக்கு தோ்தல் யுக்திகளை பிரசாந்த கிஷோரின் ஐபேக் டீம் வழங்கியதால் அக்கட்சியில் இருந்து எம்.பி., எம்.எல்.ஏக்கள் வெளியாகினா். தமிழகத்தில் ஐபேக் திமுகவை ஆட்டுவிக்கிறது என்றாா்.
பேட்டியின்போது, பாஜக மாநில துணைத் தலைவா் கருப்பு முருகானந்தம், மாநிலச் செயலாளா் தங்க.வரதராஜன், மாவட்டத் தலைவா் ஜி.வெங்கடேசன் உள்ளிட்டோா் உடனிருந்தனா்.