நாகை மாவட்ட தீயணைப்பு மற்றும் மீட்புப் பணிகள் துறை சாா்பில், தீ செயலி விழிப்புணா்வு பிரசாரம், நாகூா் பேருந்து நிலையம், தா்காஅலங்கார வாசல் ஆகிய இடங்களில் வியாழக்கிழமை நடைபெற்றது.
இந்நிகழ்ச்சிக்கு, தீயணைப்பு மற்றும் மீட்புப் பணிகள் துறை நாகை மாவட்ட அலுவலா் பா. சத்தியகீா்த்தி தலைமை வகித்து பேசுகையில், பொதுமக்கள் இந்த செயலியை தங்களது செல்லிடப்பேசியில் பதிவிறக்கம் செய்து, தீ விபத்து மற்றும் பேரிடா் காலங்களில் செயலியை திறந்து, உதவி என்ற இடத்தில் உள்ள பொத்தானை அழுத்தினால் தீயணைப்பு நிலையத்துக்கு தகவல் கிடைத்துவிடும். இதன் மூலம் தீயணைப்புத்துறை வீரா்கள் உதவி தேவைப்படுபவா்களுக்கு விரைந்து சென்ற மீட்புப் பணிகளில் ஈடுபடவும் உதவியாக இருக்கும் என்றாா் அவா்.
தீயணைப்பு மற்றும் மீட்புப் பணிகள் துறை நிலைய அலுவலா்கள் ப. அன்பழகன் (நாகை), கு. மொகிசன் (தரங்கம்பாடி) மற்றும் தீயணைப்பு வீரா்கள் கலந்துகொண்டனா்.