கொலை வழக்கில் 3 போ் கைது
By DIN | Published On : 29th January 2021 08:45 AM | Last Updated : 29th January 2021 08:45 AM | அ+அ அ- |
கிழையூா் அருகே நிகழ்ந்த இளைஞா் கொலை வழக்கில் தொடா்புடைய 3 பேரை போலீஸாா் புதன்கிழமை கைது செய்தனா்.
நாகை மாவட்டம், விழுந்தமாவடி மணல்மேடு பகுதியைச் சோ்ந்தவா் சுப்பிரமணியன் மகன் இளையராஜா (30). ஆட்டு இறைச்சி விற்பனை செய்யும் கடை நடத்தி வந்த இவா், ஜன.25-ஆம் தேதி கத்தியால் குத்திக் கொலை செய்யப்பட்டாா். இக்கொலை சம்பவம் குறித்து வழக்குப் பதிந்து விசாரணை மேற்கொண்ட கீழையூா் போலீஸாா், சம்பவத்தில் தொடா்புடைய அதே பகுதியைச் சோ்ந்த சுப்பிரமணியன் மகன் முனியப்பன் (23), கோவிந்தசாமி மகன் அருள் (23), தங்கவேல் மகன் கிருஷ்ணன்(32) ஆகியோரை போலீஸாா் கைது செய்தனா். கைது செய்யப்பட்டவா்கள் நாகை நீதிமன்றத்தில் முன்னிலைப்படுத்தப்பட்டு, சிறையில் அடைக்கப்பட்டனா். இந்த வழக்கில் தொடா்புடைய மேலும் ஒருவரை போலீஸாா் தேடி வருகின்றனா்.
