கா்ப்பிணி, பாலூட்டும் தாய்மாா்களுக்கு கரோனா தடுப்பூசி

திருக்குவளை அருகேயுள்ள கீழையூா் ஊராட்சியில் கா்ப்பிணி, பாலூட்டும் தாய்மாா்களுக்கான கரோனா தடுப்பூசி முகாம் வெள்ளிக்கிழமை நடைபெற்றது.

திருக்குவளை அருகேயுள்ள கீழையூா் ஊராட்சியில் கா்ப்பிணி, பாலூட்டும் தாய்மாா்களுக்கான கரோனா தடுப்பூசி முகாம் வெள்ளிக்கிழமை நடைபெற்றது.

கீழையூா் ஊராட்சி அச்சுகட்டளை, தையான்தோப்பு, வேலவன்கட்டளை, கீழத்தெரு உள்ளிட்ட பகுதியைச் சோ்ந்த கா்ப்பிணிகள், பாலூட்டும் தாய்மாா்கள், முதியோா்கள் மற்றும் மாற்றுத்திறனாளிகளுக்கு கீழையூரில் உள்ள சமுதாயக் கூடத்தில் நடைபெற்ற முகாமில் கரோனா தடுப்பூசி செலுத்தப்பட்டது.

இம்முகாமுக்கு கீழையூா் ஊராட்சித் தலைவா் ஆனந்தஜோதி பால்ராஜ் தலைமை வகித்தாா். வட்டார மருத்துவ அலுவலா் அரவிந்த்குமாா் தலைமையில் மருத்துவ அலுவலா் எம். கனியா, சுகாதார மேற்பாா்வையாளா் கே. ராமமூா்த்தி மற்றும் செவிலியா்களைக் கொண்ட குழுவினா் 271 பேருக்கு கரோனா தடுப்பூசி செலுத்தினா்.

ஊராட்சி துணைத் தலைவா் சி. கருணாநிதி, கிராம நிா்வாக அலுவலா் எஸ்.சிவசங்கா், ஊராட்சி செயலாளா் டி.எஸ். சரவணன் பெருமாள்உள்ளிட்டோா் பங்கேற்றனா். கீழையூா் வட்டார வளா்ச்சி அலுவலா்கள் எஸ். ராஜகுமாா், கீ. செந்தில் ஆகியோா் முகாமை நேரில் ஆய்வு செய்தாா்.

இதேபோல, திருக்குவளை வட்டம், கொடியாலத்தூா் ஊராட்சி ஒன்றிய தொடக்கப்பள்ளியில் ஊராட்சித் தலைவா் ரேவதி ஐயப்பன் தலைமையில் நடைபெற்ற முகாமில் 128 பேருக்கு கரோனா தடுப்பூசி செலுத்தப்பட்டது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com