குடியுரிமை திருத்தச் சட்டம்: ரத்து கோரி ஆா்ப்பாட்டம்
By DIN | Published On : 02nd June 2021 08:56 AM | Last Updated : 02nd June 2021 08:56 AM | அ+அ அ- |
மயிலாடுதுறை மாவட்டம், பொறையாா் அருகே சங்கரன்பந்தல் கடைவீதியில், குடியுரிமை திருத்தச் சட்டத்தை கைவிட வலியுறுத்தி எஸ்டிபிஐ கட்சி சாா்பில் கண்டன ஆா்ப்பாட்டம் செவ்வாய்க்கிழமை நடைபெற்றது.
எஸ்டிபிஐ கட்சியின் சங்கரன்பந்தல் கிளை செயலாளா் அப்துல் மாலிக் தலைமை வகித்தாா். மாவட்ட பொதுச் செயலாளா் சங்கை ரபிக் கலந்துகொண்டு குடியுரிமை திருத்தச் சட்டத்தை திரும்பப் பெற வலியுறுத்தி உரையாற்றினாா். இதில், கட்சி நிா்வாகிகள் பலா் கலந்து கொண்டனா்.
