வீரதீர செயல் புரிந்த நாகை மாவட்டத்தைச் சோ்ந்த பெண்கள், தமிழக அரசால் வழங்கப்படும் கல்பனா சாவ்லா விருதுக்கு விண்ணப்பிக்க செவ்வாய்க்கிழமை (ஜூன் 15) கடைசி நாளாகும்.
இதுகுறித்து மாவட்ட ஆட்சியா் பிரவீன் பி. நாயா் திங்கள்கிழமை வெளியிட்ட செய்திக் குறிப்பு: இயற்கை பேரிடா்கள், விபத்துகள், நீரில் மூழ்கும் கப்பல்கள், தீவிபத்துகள் மற்றும் திருட்டு போன்ற நிகழ்வுகளில் துணிச்சலான முயற்சிகளில் ஈடுபட்ட பெண்களுக்கு 2021 சுதந்திர தின விழாவில் தமிழக முதல்வரால் கல்பனா சாவ்லா விருது வழங்கப்படவுள்ளது.
இவ்விருது பெற தகுதியான நாகை மாவட்டத்தைச் சோ்ந்த பெண்கள், உரிய படிவத்தில் ஆதாரம், ஆவணங்களுடன் இணைத்து தொடா்புடைய வட்டாட்சியரிடம் ஜூன் 15 ஆம் தேதிக்குள் விண்ணப்பிக்கலாம்.