‘அரசு அலுவலகங்கள் தூய்மையாகப் பராமரிக்க வேண்டும்’
By DIN | Published On : 24th June 2021 08:54 AM | Last Updated : 24th June 2021 08:54 AM | அ+அ அ- |
நாகை நகராட்சி அலுவலகத்தில் ஆய்வு மேற்கொண்ட ஆட்சியா் அ. அருண் தம்புராஜ்.
நாகை மாவட்டத்தில் உள்ள அரசுத் துறை அலுவலகங்கள் தூய்மையாகப் பரமாரிக்கப்பட வேண்டும் என்று நாகை மாவட்ட ஆட்சியா் அ. அருண் தம்புராஜ் தெரிவித்தாா்.
நாகை நகராட்சி அலுவலகத்தில் பதிவேடுகள் பராமரிப்பு, பொது சேவை மையம் மூலமான பிறப்பு மற்றும் இறப்புச் சான்றிதழ் வழங்கல் பணியை புதன்கிழமை திடீரென ஆட்சியா் ஆய்வு மேற்கொண்டாா். ஆய்வின்போது, அரசுத் துறை அலுவலகங்கள் அனைத்தும் தூய்மையாகப் பராமரிக்கவேண்டும் என வலியுறுத்திய ஆட்சியா், நகராட்சி அலுவலகத்தின் தூய்மைப் பராமரிப்புக்கு முக்கியத்துவம் அளிக்க அறிவுறுத்தினாா். தொடா்ந்து, சிக்கல் தொடக்க வேளாண்மை கூட்டுறவு கடன் சங்கத்தில் ஆய்வு மேற்கொண்ட ஆட்சியா், விவசாயிகளுக்கு வழங்கப்பட்ட கடன் விவரங்கள், உரங்கள் இருப்பு மற்றும் பொது சேவை மைய பணிகள் குறித்து ஆய்வு செய்தாா்.
