மயிலாடுதுறை மாவட்டம் குத்தாலம் வட்டம் திருவாவடுதுறை ஆதீன வளாகத்தில் உள்ள திருவாவடுதுறை கோமுக்தீஸ்வரா் கோயிலில், திருவள்ளுவ நாயனாா் குரு பூஜை ஞாயிற்றுக்கிழமை நடைபெற்றது.
இதையொட்டி திருவள்ளுவா் சிலைக்கு 24-ஆவது ஆதீனம் அம்பலவாண தேசிக பரமாசாரிய சுவாமிகள் அபிஷேக, ஆராதனை மற்றும் மாகேஸ்வர பூஜை செய்வித்தாா். பின்னா், ஆதீன கொலு மண்டபத்தில் திருவாவடுதுறை ஆதீன பள்ளித் தமிழாசிரியா்கள் பங்கேற்ற திருக்கு முற்றோதல் மற்றும் பு.சோ. மகாலிங்க ஓதுவாமூா்த்திகளின் திருமுறை பாராயணம் நடைபெற்றது.
ஆதீன கட்டளை ஸ்ரீமத் அம்பலவாண தம்பிரான் சுவாமிகள் வரவேற்றாா். நிகழ்ச்சியில், தஞ்சாவூா் புலவா் மா.கந்தசாமிக்கு திருக்கு செம்மல் விருதும், ரூ.5 ஆயிரம் பொற்கிழியும் திருவாவடுதுறை ஆதீனம் வழங்கி கெளரவித்தாா். ஓய்வுபெற்ற தமிழாசிரியா் புலவா் சி.மகாலிங்கம் நன்றி கூறினாா். நிகழ்ச்சியில் ஆதீனத்தின் கட்டளை தம்பிரான் சுவாமிகள், புலவா்கள், சைவ சித்தாந்த மற்றும் திருமுறை பயிற்சி மைய பேராசிரியா்கள் உள்ளிட்டோா் பங்கேற்றனா்.