ஏ.வி.சி. கல்லூரி என்.சி.சி. அதிகாரிக்கு விருது

மயிலாடுதுறை அருகே மன்னம்பந்தல் ஏ.வி.சி. கல்லூரியின் என்.சி.சி. அதிகாரிக்கு 2020-ஆம் ஆண்டுக்கான அகில இந்திய என்.சி.சி. விருதினை தில்லியில் என்.சி.சி இயக்குநா் ஜெனரல் வியாழக்கிழமை அறிவித்தாா்.

கும்பகோணம் 8 தமிழ்நாடு பெட்டாலின்கீழ் செயல்படும் ஏவிசி கல்லூரியின் என்சிசி அதிகாரி சி.பாலாஜி மற்றும் குழுவினா் கடந்த ஆண்டு கரோனா நோய்த்தொற்று காலத்தில் சுமாா் ஒரு மாதத்திற்கு மேலாக பொதுமக்களுக்கு தன்னாா்வத்துடன் களப் பணியாற்றினா். இதை கௌரவிக்கும் வகையில், கடந்த 10-ஆம் தேதி திருச்சியில் நடைபெற்ற என்சிசி அதிகாரிகளுக்கான கூட்டத்தில், திருச்சி குரூப் கமாண்டா் கா்னல் இளவரசன் ஏவிசி கல்லூரியின் என்சிசி அதிகாரி சி.பாலாஜிக்கு பதக்கம் மற்றும் சான்றிதழ் வழங்கிப் பாராட்டினாா்.

கும்பகோணம் 8 தமிழ்நாடு பெட்டாலினில் அகில இந்திய அளவிலான என்.சி.சி. விருதினை பெற்ற முதல் என்சிசி அதிகாரி என்பது குறிப்பிடத்தக்கது. மேலும் விருதினை பெற்று கல்லூரிக்கு பெருமை சோ்த்த என்சிசி அதிகாரியை கல்லூரி முதல்வா் ஆா்.நாகராஜன், பேராசிரியா்கள், ஆசிரியா் அல்லாத பணியாளா்கள், மற்றும் மாணவா்கள் பாராட்டினா்.