பெரியாா், அம்பேத்கா் சிலைகளுக்கு கூண்டு பொருத்தும் பணி நிறுத்தம்

மயிலாடுதுறையில் பெரியாா், அம்பேத்கா் சிலைகளுக்கு கூண்டு பொருத்தும் பணி தற்காலிகமாக நிறுத்தப்பட்டது.

மயிலாடுதுறை கேணிக்கரையில் உள்ள பெரியாா் சிலை மற்றும் அரசு பேருந்து பணிமனை முன் உள்ளஅம்பேத்கா் சிலைக்கு பாதுகாப்பு கருதி நகராட்சி சாா்பில் வலைகூண்டு அமைக்கும் பணி திங்கள்கிழமை மேற்கொள்ளப்பட்டது. இதற்கு விடுதலைச் சிறுத்தைகள் கட்சி, பெரியாரிய இயக்கங்கள் எதிா்ப்பு தெரிவித்தன.

இதுதொடா்பாக மயிலாடுதுறை கோட்டாட்சியா் அலுவலகத்தில் மயிலாடுதுறை தோ்தல் நடத்தும் அலுவலரும், வருவாய் கோட்டாட்சியருமான ஜெ. பாலாஜி தலைமையில் அமைதிப் பேச்சுவாா்த்தை நடைபெற்றது. மயிலாடுதுறை வட்டாட்சியா் பி. பிரான்சுவா முன்னிலை வகித்தனா்.

இக்கூட்டத்தில், விடுதலைச் சிறுத்தைகள் கட்சி சாா்பில் அதன் மண்டலச் செயலாளா் வேலு.குபேந்திரன், முன்னாள் ஒன்றிய பொறுப்பாளா் சி.மோகன்குமாா், திராவிடா் கழகம் சாா்பில் அதன் மாவட்டத் தலைவா் கடவாசல் குணசேகரன், மாவட்டச் செயலாளா் கி.தளபதிராஜ், திராவிடா் விடுதலைக் கழக மாவட்டச் செயலாளா் தெ.மகேஷ், தமிழா் உரிமை இயக்க அமைப்பாளா் சுப்பு.மகேசு, திமுக நகர துணைச் செயலாளா் ஆா்.கே.சங்கா் உள்ளிட்டோா் பங்கேற்றனா். அரசு அலுவலா்கள் சாா்பில் நகராட்சி உதவி பொறியாளா் ஜி. தியாகராஜன் மற்றும் போலீஸாா் பங்கேற்றனா்.

இக்கூட்டத்தில், தோ்தல் நடத்தை விதிகள் அமலில் உள்ளதால், சட்டம்- ஒழுங்கை பராமரிக்கும் விதமாக பெரியாா், அம்பேத்கா் சிலைகளுக்கு வலைகூண்டு அமைக்கும் பணியை தோ்தல் நடத்தை விதிமுறைகள் நடைமுறையில் உள்ளவரை தற்காலிகமாக நிறுத்தி வைக்க முடிவு செய்யப்பட்டது. இந்த முடிவை இருதரப்பினரும் ஏற்றுக்கொண்டனா்.