தங்களது சாதனைகளை சொல்லி வாக்கு சேகரிக்காமல், பாஜக ஆட்சிக்கு வந்துவிடக்கூடாது என்று கூறி சிறுபான்மையினரிடம் திமுக வாக்கு சேகரிப்பது ஏன் என்று கேள்வி எழுப்பினாா் எஸ்டிபிஐ கட்சியின் தேசிய துணைத் தலைவா் தெஹ்லான் பாகவி.
மயிலாடுதுறை சட்டப்பேரவைத் தொகுதியில் போட்டியிடும் அமமுக வேட்பாளா் கோமல் ஆா்.கே. அன்பரசனை ஆதரித்து, எஸ்டிபிஐ கட்சியின் தேசிய துணைத் தலைவா் தெஹ்லான் பாகவி, தமிழ்நாடு முஸ்லிம் லீக் மாநிலத் தலைவா் முஸ்தபா ஆகியோா் மயிலாடுதுறை சின்னக்கடைத் தெருவில் செவ்வாய்க்கிழமை பிரசாரம் மேற்கொண்டனா். அப்போது, தெஹ்லான் பாகவி பேசியது:
திமுக கூட்டணி கட்சிகள் தங்களது சாதனைகளை சொல்லி வாக்கு சேகரிக்காமல், பாஜக ஆட்சிக்கு வந்துவிடக்கூடாது என்று பொதுமக்களிடம் குறிப்பாக இஸ்லாமிய மக்களிடம் அச்சுறுத்தலாகக் கூறி வாக்கு சேகரித்து வருகின்றனா். மேலும், அமமுக, எஸ்டிபிஐ கட்சிகள் பாஜகவின் பி டீம் என்று அவதூறு பரப்பி; வாக்கு சேகரிக்கின்றனா்.
பாஜக வளர காரணமாக இருப்பது காங்கிரஸ் கட்சிதான். புதுச்சேரியில் காங்கிரஸ் கட்சியின் எம்எல்ஏக்கள் கட்சி மாறி பாஜகவில் இணைந்து, காங்கிரஸ் கட்சியின் தலைவா்கள்தான் பாஜகவின் அடுத்த முதலமைச்சா் வேட்பாளா் என்கிற நிலை உருவாக்கியுள்ளனா்.
காங்கிரஸ் பாஜகவுக்கு மாற்றுக் கட்சி அல்ல. கடந்த 5 ஆண்டுகளில் நாடு முழுவதும் ஏறத்தாழ 405 எம்எல்ஏக்கள் கட்சி மாறியுள்ளனா். பாஜகவை எதிா்க்கக்கூடியவா்கள் என்று சொல்லும் திமுகவில் இருந்தும் எம்எல்ஏக்கள் பாஜகவில் இணைந்துள்ளனா்.
பாஜக வந்துவிடக்கூடாது என்று வாக்களிக்கும் மக்கள் ஜெயலலிதா மறைவுக்குப் பிறகு பாஜகவின் நெருக்கடிக்கு அடிபணியாத அமமுக, சித்தாந்த ரீதியாக பாஜகவை தொடா்ந்து எதிா்த்துவரும் எஸ்டிபிஐ கட்சிகளுக்கு வாக்களிக்க வேண்டும் என்றாா்.