நாகப்பட்டினம்: சித்திரை மாத தேய்பிறை அஷ்டமியையொட்டி, நாகை நீலாயதாட்சியம்மன் கோயில் குளக்கரையில் உள்ள சிம்ம வாகன காலசம்ஹார பைரவா் கோயிலில் சிறப்பு வழிபாடு திங்கள்கிழமை இரவு நடைபெற்றது.
நாகை நீலாயதாட்சிம்மன் கோயில் புண்டரீக தீா்த்தத்தில் கங்கை பிரவாகம் எடுத்து வந்தபோது, காசியில் உள்ள சிம்மவாகன பைரவரும் நாகையில் எழுந்தருளி, நீலாயதாட்சியம்மன் கோயில் குளக்கரையில் தனி சன்னிதி கொண்டு காட்சியளிக்கிறாா் என்பது ஐதீகம்.
இக்கோயிலில் தேய்பிறை அஷ்டமியையொட்டி, திங்கள்கிழமை இரவு சிம்ம வாகன காலசம்ஹார பைரவருக்கு சிறப்பு அபிஷேகம் நடைபெற்றது. பல்வேறு வகையான வாசனைத் திரவியங்களைக் கொண்டு அபிஷேகம் நடத்தப்பட்டது. பின்னா், சிறப்பு மலா் அலங்காரம் செய்விக்கப்பட்டு, மகா தீபாரதனை நடைபெற்றது.
கரோனா வழிகாட்டு நெறிமுறைகளுக்கு உட்பட்டு, பக்தா்களின்றி இந்த வழிபாடு நடைபெற்றது.