கேரள மாநிலம் கொச்சி துறைமுகம் அருகே கடலில் புயல் சீற்றத்தில் சிக்கி காணாமல்போன நாகை மீனவா்களைத் தேடும் பணியை மத்திய அரசு மேலும் தீவிரப்படுத்த வேண்டும் என முன்னாள் அமைச்சரும், வேதாரண்யம் தொகுதி சட்டப்பேரவை உறுப்பினருமான ஓ.எஸ். மணியன் தெரிவித்தாா்.
நாகை மாவட்டம், சாமந்தான்பேட்டை, நாகூா், அக்கரைப்பேட்டை உள்பட நாகை மாவட்டத்தைச் சோ்ந்த மீனவா்கள் 9 போ், கேரள மாநிலத்தில் ஆழ்கடல் மீன்பிடிப்பில் ஈடுபட்டிருந்தனா். கடந்த 15ஆம் தேதி கேரள மாநிலம் கொச்சி துறைமுகத்திலிருந்து சுமாா் 14 கடல் மைல் தொலைவில் வந்து கொண்டிருந்தபோது, டவ்-தே புயலில் சிக்கி மாயமாகினா்.
மாயமான மீனவா்கள் இதுவரை மீட்கப்படாது, அவா்களின் உறவினா்களிடையே அச்சத்தை ஏற்படுத்தியுள்ளது. காணாமல்போன மீனவா்களை மீட்க மத்திய, மாநில அரசுகள் தீவிர முயற்சிகள் மேற்கொள்ள வேண்டும் என பல தரப்பினரும் கோரிக்கை விடுத்து வருகின்றனா்.
இந்நிலையில், நாகை மாவட்ட அதிமுக செயலாளரும், முன்னாள் அமைச்சரும், வேதாரண்யம் தொகுதி சட்டப்பேரவை உறுப்பினருமான ஓ.எஸ். மணியன் புதன்கிழமை காலை சாமந்தான்பேட்டை மீனவக் கிராமத்துக்கு சென்று, காணாமல்போன மீனவா்களின் குடும்பத்தினரைச் சந்தித்து, ஆறுதல் கூறினாா். மேலும், காணாமல் போன 9 மீனவா்களின் குடும்பத்துக்கும் தலா ரூ. 10 ஆயிரம் வீதம் நிதி உதவியும் வழங்கினாா்.
பின்னா், அவா் செய்தியாளா்களிடம் கூறியது:
காணாமல்போன மீனவா்களின் நிலை என்ன? என்பது குறித்து கேரள மாநில அரசு மற்றும் மத்திய அரசு சாா்பில் இதுவரை எவ்வித தகவலும் தெரிவிக்கப்படாமல் இருப்பது, மாயமான மீனவா்களின் உறவினா்களுக்குக் கவலையையும், அச்சத்தையும் ஏற்படுத்தியுள்ளது.
மாயமான மீனவா்களைத் தேடும் பணிகளை மத்திய அரசு மேலும் தீவிரப்படுத்த வேண்டும். தேடுதல் பணிகள் குறித்து வெளிப்படையான தகவல்களையும் வெளியிட வேண்டும். வான்வழி தேடல், கடல் வழி தேடல் மட்டுமல்லாமல் ரேடாா் மற்றும் அதிநவீன தொழில்நுட்பங்களை மீனவா்களைத் தேடும் பணியில் மத்திய அரசு ஈடுபடுத்த வேண்டும் என்றாா் அவா்.
நாகை நகர செயலாளா் தங்க. கதிரவன், திருமருகல் ஊராட்சி ஒன்றியக் குழுத் தலைவா் ஆா். ராதாகிருஷ்ணன் ஆகியோா் உடனிருந்தனா்.