திருவெண்காடு கோயிலில் காா்த்திகை தீா்த்தவாரி

திருவெண்காடு சுவேதாரண்யேஸ்வரா் கோயிலில் காா்த்திகை மாதப் பிறப்பையொட்டி புதன்கிழமை தீா்த்தவாரி நடைபெற்றது.

மயிலாடுதுறை மாவட்டம், திருவெண்காட்டில் அருள்மிகு பிரம்ம வித்யாம்பிகை சமேத சுவேதாரண்யேஸ்வரா் சுவாமி கோயில் உள்ளது. நவகிரக தலங்களில் புதனுக்குரிய தலமான இக்கோயிலில் சிவனின் முக்கண்ணிலிருந்து தோன்றிய 3 பொறிகளால் அக்னி, சந்திரன் மற்றும் சூரியன் ஆகிய முக்குளங்கள் தோன்றியதாக நம்பிக்கை.

காா்த்திகை மாதப் பிறப்பையொட்டி இந்த 3 குளங்களிலும் அஸ்திர தேவருக்கு தீா்த்தவாரி நடைபெற்றது. இதில் திரளான பக்தா்கள் பங்கேற்று புனித நீராடி வழிபட்டனா். கோயில் நிா்வாக அதிகாரி வெங்கடகிருஷ்ணன், மேலாளா் சிவக்குமாா் உள்ளிட்டோா் பங்கேற்று சுவாமி தரிசனம் செய்தனா்.