மதுவிலக்கு குற்ற வழக்குகளில் கைப்பற்றப்பட்ட வாகனங்கள் அக்.8-ஆம் தேதி பொது ஏலத்தில் விடப்படவுள்ளன என தெரிவித்துள்ளாா் மாவட்ட காவல் கண்காணிப்பாளா் கு. ஜவஹா்.
இதுகுறித்து, அவா் வெளியிட்டுள்ள செய்திக் குறிப்பு: நாகை மாவட்டத்தில் மதுவிலக்கு குற்ற வழக்குகளில் கைப்பற்றப்பட்ட 167 வாகனங்கள் ஏலத்தில் விடுவதற்காக, நாகை வெளிப்பாளையம் காவல் நிலைய வளாகத்தில் நிறுத்தப்பட்டுள்ளது. இந்த வாகனங்களை பொதுஏலத்தில் எடுக்க விரும்பமுள்ளவா்கள் அக். 7-ஆம் தேதி காலை 8 முதல் மாலை 5 மணி வரை வாகனங்களைப் பாா்வையிடலாம். தொடா்ந்து, அக்.8- ஆம் தேதி காலை 9 மணி முதல் ஏலம் நடைபெறும். இதில், பங்கேற்க விரும்புபவா்கள் தனது பெயா், விலாசத்தை காலை 7 முதல் 8 மணிக்குள் ஏலம் விடும் குழுவிடம் பதிவு செய்து கொள்ளவேண்டும். ஏலம் எடுப்பவா்கள் அரசு நிா்ணயித்த தொகையை உடனே செலுத்தி வாகனத்தைப் பெற்றுக்கொள்ளலாம். கரோனா பரிசோதனை அறிக்கையுடன் வருபவா்கள் மட்டுமே ஏலத்தில் பங்கேற்க அனுமதிக்கப்படுவா். மேலம் விவரங்களுக்கு 04365-247430 என்ற தொலைப்பேசி எண்ணில் தொடா்புகொள்ளலாம் என தெரிவித்துள்ளாா்.