Enable Javscript for better performance
வணிகா் சங்க பொதுக் குழுக் கூட்டம்- Dinamani

சுடச்சுட

    வணிகா் சங்க பொதுக் குழுக் கூட்டம்

    By DIN  |   Published on : 03rd September 2021 10:51 PM  |   அ+அ அ-   |    |  

    04_0309chn_200_5

    செம்பனாா்கோயில் வணிகா் சங்க பொதுக் குழுக் கூட்டம் கீழமுக்கூட்டில் வெள்ளிக்கிழமை நடைபெற்றது.

    கூட்டத்துக்கு தலைவா் ச. ஞானசேகரன் தலைமை வகித்தாா். செயலாளா் அந்தோனிபிச்சை வரவேற்றாா். மாநிலச் செயலாளா் எஸ். சிங்காரபிரகாசம், துணைத் தலைவா் எஸ். தணிகாசலம் முன்னிலை வகித்தனா். சிறப்பு அழைப்பாளராக செம்பனாா்கோயில் வட்டார உணவுப் பாதுகாப்பு அலுவலா் அ.தி. அன்பழகன் பங்கேற்று பேசியது: பொதுமக்கள் அனைவருக்கும் பாதுகாப்பான உணவு கிடைக்கச் செய்வது நமது கடமை. செம்பனாா்கோயில் வட்டாரத்தில் பான்பராக், குட்கா உள்ளிட்ட புகையிலைப் பொருள்கள் இல்லாத பகுதியாக மாற்ற அனைவரும் ஒத்துழைக்கவேண்டும். மீறி விற்பனை செய்வோா் மீது சட்ட நடவடிக்கை எடுக்கப்படும். உணவு வணிகத்தில் ஈடுபடும் அனைத்து நிறுவனங்களில் உள்ள உரிமையாளா் உள்ளிட்ட அனைத்து பணியாளா்களும் கரோனா தடுப்பூசி கட்டாயம் செலுத்திக்கொண்டிருக்க வேண்டும்.

    உணவை கையாள்பவா்கள் தன்சுத்தம் பேணவேண்டும். உணவு தயாரிக்கும் மற்றும் பரிமாறும் இடம் உள்ளிட்ட அனைத்து இடங்களும் சுத்தமாகவும் சுகாதாரமாகவும் பராமரிக்கவேண்டும். தயாரித்து விற்பனை செய்யும் அனைத்து உணவு பொருள்களும் கண்ணாடி பெட்டிக்குள் வைத்தோ அல்லது உரிய முறையில் மூடியோ வைக்கவேண்டும். இனிப்பு மற்றும் கார வகை தயாரிப்புகளில் செயற்கை நிறமிகளை குறிப்பிட்ட அளவுக்கு மேல் பயன்படுத்தக்கூடாது. பயன்படுத்திய எண்ணையை மீண்டும் மீண்டும் பயன்படுத்தக்கூடாது. அச்சடிக்கப்பட்ட காகிதங்களில் வைத்து பலகாரங்கள் விற்பனை செய்யக் கூடாது.12 லட்சத்துக்குள் உள்ளவா்கள் பதிவுச் சான்றும், அதற்கும் மேல் விற்பனை உள்ளவா்கள் உரிமம் சான்றும் உணவு பாதுகாப்பு துறையிடமிருந்து கட்டாயம் பெற வேண்டும். உரிய தொகை செலுத்தி ஆன்லைன் வழியாக மட்டும் விண்ணப்பிக்க வேண்டும். உரிமம், பதிவுச் சான்று இல்லாத, உணவு பாதுகாப்பு சட்ட விதிமுறைகளை மீறி உணவு விற்பனை செய்பவா்கள் மீது சட்டபூா்வமான நடவடிக்கைகள் எடுக்கப்படும். எனவே அனைத்து உணவு விற்பனையாளா்களும் ஒத்துழைப்பு நல்க வேண்டும் என்றாா். டிவில் பொருளாளா் கே.எஸ்.சண்முகம் நன்றி கூறினாா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp