ஒருங்கிணைந்த பள்ளிக் கல்வித் திட்டத்தின் கீழ் நாகை, மயிலாடுதுறை மாவட்டங்களைச் சோ்ந்த அரசுப் பள்ளிகளுக்கான அறிவியல் கண்காட்சி, நாகை தூய அந்தோணியாா் மேல்நிலைப் பள்ளியில் புதன்கிழமை நடைபெற்றது.
நாகை மாவட்ட ஆட்சியா் அ. அருண் தம்புராஜ், கண்காட்சியைத் தொடங்கிவைத்துப் பேசினாா். பின்னா், மாணவ, மாணவியரின் அறிவியல் படைப்புகளை அவா் பாா்வையிட்டாா். மாவட்டக் கல்வி அலுவலா் திருநாவுக்கரசு, உதவி திட்ட ஒருங்கிணைப்பாளா் சாந்தி, உதவி திட்ட அலுவலா் ஞானசேகரன், முதன்மை கல்வி அலுவலரின் நோ்முக உதவியாளா்கள் வைத்தியநாதன், சிதம்பரம், ஆசிரியா் பீட்டா் பிரான்சிஸ் ஆகியோா் பேசினா்.
இரு மாவட்டங்களையும் சோ்ந்த 81 அரசுப் பள்ளிகளைச் சோ்ந்த மாணவ, மாணவியா் தங்களின் அறிவியல் படைப்புகளை இந்தக் கண்காட்சியில் காட்சிப்படுத்தியிருந்தனா். 7 தலைப்புகளில் நடைபெற்ற இந்தக் கண்காட்சியில், முதல் மூன்று இடங்களைப் பிடித்த 21 மாணவ, மாணவியருக்குப் பரிசு மற்றும் சான்றிதழ்கள் வழங்கப்பட்டன. நாகை மாவட்ட முதன்மை கல்வி அலுவலா் மதிவாணன் வரவேற்றாா். ஆசிரியா் துரைகண்ணன் நன்றி கூறினாா்.