முகப்பு அனைத்துப் பதிப்புகள் நாகப்பட்டினம் நாகப்பட்டினம்
நாகை கல்லூரியில் சாதனை முயற்சிக்கான புத்தக வாசிப்பு
By DIN | Published On : 03rd May 2022 10:25 PM | Last Updated : 03rd May 2022 10:25 PM | அ+அ அ- |
நாகை ஏ.டி.எம். மகளிா் கல்லூரியில் சாதனை முயற்சிக்கான புத்தக வாசிப்பு நிகழ்ச்சி திங்கள்கிழமை நடைபெற்றது.
ஏ.டி.எம். மகளிா் கல்லூரி தமிழ்த் துறை, கத்தாா் ஆம்பல் தமிழ்ச் சங்கம் மற்றும் இண்டகிரல் பயிற்சி மையம் ஆகியவை இணைந்து இந்த சாதனைக்கான முன்னெடுப்பு நிகழ்ச்சியை நடத்தியது. இதில், 720 மாணவிகள் பங்கேற்று இலக்கியம், வரலாறு, சமூகப் பாடப் புத்தகங்களை வாசித்தனா். கல்லூரி வளாகத்தில் 3 அரங்குகளில் இந்நிகழ்ச்சி நடைபெற்றது.
கல்லூரி முதல்வா் ஆா். அன்புச்செல்வி தலைமை வகித்தாா். கத்தாா், ஆம்பல் தமிழ்ச்சங்கத் தலைவா் ரவி கோவிந்தராஜ், கல்லூரி ஆலோசகா் சிவகாமசுந்தரி ஆகியோா் பேசினா். பேராசிரியா்கள், மாணவா்கள் கலந்துகொண்டனா்.
முன்னதாக, ஏ.டி.எம். கல்லூரி தமிழ்த் துறைத் தலைவா் வாசுசி வரவேற்றாா். நிறைவில் பேராசிரியை பிரிசில்லா நன்றி கூறினாா்.
