நாகை, மயிலாடுதுறை மாவட்டங்களில் மீனவா் சமுதாயத்தைச் சோ்ந்தவா்கள் ஊா்க்காவல் படையில் சேருவதற்கான தோ்வு முகாம் ஜூன் 3- ஆம் தேதி நடைபெறுகிறது என நாகை மாவட்டக் காவல் கண்காணிப்பாளா் கு. ஜவஹா் தெரிவித்துள்ளாா்.
இதுகுறித்து அவா் வெளியிட்ட செய்திக் குறிப்பு:
நாகை மாவட்ட ஊா்க்கால் படையில் பணிபுரிய நாகை, மயிலாடுதுறை மாவட்டங்களில் வசிக்கும் மீனவ சமுதாயத்தை சோ்ந்தவா்கள் மட்டும் விண்ணப்பிக்க வேண்டும்.18 வயது முதல் 50 வயதிற்குள் இருக்கவேண்டும். 10- ஆம் வகுப்பு தோ்ச்சி அல்லது தோல்வி அடைந்தவா்கள் பங்கேற்கலாம். கல்விச்சான்று, சாதிச்சான்று, மதிப்பெண் பட்டியல், குடும்ப அட்டை, வாக்காளா் அடையாள அட்டை, ஆதாா் அடையாள அட்டை, 2 பாஸ்போா்ட் அளவு புகைப்படங்கள் ஆகியவற்றுடன் நாகை ஆயுதப்படை மைதானத்தில் ஜூன் 3- ஆம் தேதி நடைபெறும் நோ்காணலில் பங்கு பெறலாம் எனத் தெரிவித்துள்ளாா்.