காவிரி கடைமடை மாவட்டங்களான நாகை, மயிலாடுதுறை, திருவாரூா் மாவட்டங்களில் சிறப்பு தூா்வாரும் திட்டத்தில் நடைபெற்ற ஆறுகள் மற்றும் பாசன வாய்க்கால்கள் தூா்வாரும் பணிகளை தமிழக முதல்வா் மு.க. ஸ்டாலின் செவ்வாய்க்கிழமை பாா்வையிட்டு ஆய்வுசெய்தாா்.
காவிரி டெல்டா மாவட்டங்களான நாகை, திருவாரூா், மயிலாடுதுறை, தஞ்சாவூா், கடலூா், புதுக்கோட்டை, அரியலூா், பெரம்பலூா், திருச்சி, கரூா் ஆகிய 10 மாவட்டங்களில் சிறப்பு தூா்வாரும் திட்டத்தின் கீழ், ரூ. 80 கோடியில் 683 தூா்வாரும் பணிகளை மேற்கொள்ள தமிழக அரசு அரசாணை வெளியிட்டது.
இதன்படி, நாகை மாவட்டத்தில் ரூ. 3.46 கோடியில் 30 தூா்வாரும் பணிகளும், திருவாரூா் மாவட்டத்தில் ரூ. 12.08 கோடியில் 115 தூா்வாரும் பணிகளும், மயிலாடுதுறை மாவட்டத்தில் ரூ. 8.7 கோடியில் 49 தூா்வாரும் பணிகளும் நடைபெற்றன.
குறுவை பாசனத்துக்காக மே 24 ஆம் தேதி மேட்டூா் அணையிலிருந்து தண்ணீா் திறக்கப்பட்டதையடுத்து, தூா்வாரும் பணிகளை மே 31 ஆம் தேதிக்குள் நிறைவு செய்ய முதல்வா் உத்தரவிட்டாா். இதையடுத்து, டெல்டா மாவட்டங்களின் தூா்வாரும் பணிகள் தீவிரப்படுத்தப்பட்டு நிறைவை எட்டின.
இந்த நிலையில், தமிழக முதல்வா் மு.க. ஸ்டாலின் நாகை, மயிலாடுதுறை, திருவாரூா் மாவட்டங்களில் நடைபெற்ற ஆறுகள் மற்றும் பாசன வாய்க்கால்கள் தூா்வாரும் பணிகளை செவ்வாய்க்கிழமை ஆய்வுசெய்தாா்.
நாகையில்...: நாகையை அடுத்த கருவேலங்கடையில் கல்லாறு வடிகாலில் ரூ. 15 லட்சத்தில் 3.5 கி.மீ நீளத்துக்கு நடைபெற்றிருந்த தூா்வாரும் பணிகளை கருவேலங்கடை பாலத்தில் இருந்து முதல்வா் பாா்வையிட்டாா். நாகை மாவட்ட ஆட்சியா் அ. அருண் தம்புராஜ் உடனிருந்து பணி விவரங்களை தெரிவித்தாா்.
பிறகு, அங்கு காட்சிப்படுத்தப்பட்டிருந்த நாகை மாவட்ட ஆறுகள் மற்றும் பாசன வாய்க்கால்கள் தூா்வாரும் பணிகளின் புகைப்படங்களை முதல்வா் பாா்வையிட்டு, கலைஞரின் அனைத்து கிராம ஒருங்கிணைந்த வேளாண் வளா்ச்சித் திட்டத்தின் கீழ் பயனாளிகள் 5 பேருக்கு நலத்திட்ட உதவிகளை வழங்கினாா்.
மயிலாடுதுறையில்...: மயிலாடுதுறை மாவட்டம், தரங்கம்பாடி வட்டம், அனந்தமங்கலம் கிராமத்தில் டிரம்சீடா் இயந்திரம் மூலம் நடைபெற்ற நேரடி நெல் விதைப்பையும், திருக்கடையூா் ராமச்சந்திரன் வாய்க்காலில் ரூ. 5.65 லட்சத்தில் 5.6 கி.மீ நீளத்துக்கு நடைபெற்றிருந்த தூா்வாரும் பணிகளையும் முதல்வா் பாா்வையிட்டாா். மாவட்ட ஆட்சியா் ஆா். லலிதா உடனிருந்து பணி விவரங்களைத் தெரிவித்தாா்.
பிறகு, நல்லாடை கிராமத்தில் நெடுஞ்செழியன் என்பவரின் வயலில் நடைபெற்ற இயந்திரம் மூலமான நடவுப் பணியை முதல்வா் பாா்வையிட்டாா்.
திருவாரூரில்...: திருவாரூா் மாவட்டம், நன்னிலம் வட்டம், கொத்தங்குடி கிராமத்தில் ரூ. 9.95 லட்சத்தில் கொத்தங்குடி வாய்க்காலில் 5 கி.மீ நீளத்துக்கும், பேரளத்தில் ரூ. 8.5 லட்சத்தில் பேரளம் வாய்க்காலில் 4 கி.மீ நீளத்துக்கும் நடைபெற்ற தூா்வாரும் பணிகளை முதல்வா் ஆய்வுசெய்தாா். மாவட்ட ஆட்சியா் ப. காயத்ரி உடனிருந்து பணிகளின் விவரங்களை தெரிவித்தாா்.
முன்னதாக, கொத்தங்குடி வாய்க்கால் அருகே காட்சிப்படுத்தப்பட்டிருந்த, திருவாரூா் மாவட்ட ஆறுகள் மற்றும் பாசன வாய்க்கால்கள் தூா்வாரும் பணிகளின் புகைப்படங்களை முதல்வா் பாா்வையிட்டாா்.
அமைச்சா்கள் கே.என். நேரு, எ.வ. வேலு, எம்.ஆா்.கே. பன்னீா்செல்வம், அர. சக்கரபாணி, சிவ வீ. மெய்யநாதன், அரசு தலைமைக் கொறடா கோவி. செழியன், தமிழக அரசின் தில்லி சிறப்புப் பிரதிநிதி ஏ.கே.எஸ். விஜயன், தமிழ்நாடு மீன்வளா்ச்சிக் கழகத் தலைவா் என். கௌதமன், தாட்கோ தலைவா் உ. மதிவாணன், மயிலாடுதுறை தொகுதி மக்களவை உறுப்பினா் செ. ராமலிங்கம், சட்டப்பேரவை உறுப்பினா்கள் பூண்டி கே. கலைவாணன், வி.பி. நாகை மாலி, ஜெ. முகமது ஷாநவாஸ், எம். நிவேதா முருகன், எஸ். ராஜகுமாா், எம். பன்னீா்செல்வம், நீா்வளத் துறை கூடுதல் செயலாளா் சந்தீப் சக்சேனா ஆகியோா் உடனிருந்தனா்.