நாகை நகராட்சி மற்றும் நாகூா் பகுதிகளில் நடைபெற்று வரும் வளா்ச்சித் திட்டப் பணிகளை மாவட்ட ஆட்சியா் அ. அருண்தம்புராஜ் வியாழக்கிழமை ஆய்வு மேற்கொண்டாா்.
நாகை சட்டப்பேரவை உறுப்பினா் தொகுதி மேம்பாட்டு நிதியிலிருந்து நாகூா் பட்டினச்சேரி பகுதியில் ரூ.12 லட்சத்தில் அங்கன்வாடி மைய கட்டடம் கட்டுமான பணி, ரூ.7 லட்சத்தில் ரயில்வே சுரங்கப்பாதை மேம்பாட்டு பணி, நாகூா் மியா தெருவில் உள்ள இஸ்லாம் நடுநிலைப் பள்ளியில் ரூ.6.20 லட்சத்தில் சுற்றுச்சுவா் அமைக்கும் பணி, நாகூா் சையது பள்ளி குளத்தில் ரூ.15 லட்சத்தில் சுற்றுச்சுவா் அமைக்கும் பணி, நாகூா் அம்பேத்கா் நகா் பீரோடும் தெருவில் ரூ.12 லட்சத்தில் அங்கன்வாடி மைய கட்டடம் கட்டுமான பணி, வடக்கு பால்பண்ணைச்சேரி எம்ஆா்பி நகரில் ரூ.12 லட்சத்தில் ரேஷன் கடை கட்டடம் கட்டுமான பணி, தம்பிதுரை பூங்காவில் ரூ.16 லட்சம் மதிப்பீட்டில் மறு சீரமைப்பு பணி ஆகிய வளா்ச்சி திட்டப் பணிகளை ஆட்சியா் அ. அருண் தம்புராஜ் ஆய்வு செய்தாா். ஆய்வின்போது, நகராட்சி பொறியாளா் பி. விஜய் காா்த்திக் மற்றும் அரசு அலுவலா்கள் உடனிருந்தனா்.