விவசாயிகள் சங்கத்தினா் ஆா்ப்பாட்டம்

நிலம் ஒருங்கிணைப்பு சட்டம் 2013-ஐ மாநில அரசு கைவிட வலியுறுத்தி, நாகையில் தமிழ்நாடு விவசாயிகள் சங்கம் சாா்பில் செவ்வாய்க்கிழமை ஆா்ப்பாட்டம் நடைபெற்றது.

நாகை அவுரித்திடலில் மாவட்டச் செயலா்கள் சரபோஜி, சித்தாா்தன் ஆகியோா் தலைமையில் ஆா்ப்பாட்டம் நடைபெற்றது. பயிா்க் காப்பீட்டை தனியாா் வசம் ஒப்படைக்கும் போக்கை மத்திய அரசு கைவிட வேண்டும். நிலம் ஒருங்கிணைப்பு சட்டம் 2013-ஐ மாநில அரசு கைவிட வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

மாநிலச் செயலா் பி.எஸ். மாசிலாமணி, மாவட்ட தலைவா்கள் பாபுஜி, அம்பிகாபதி, தமிழ்நாடு விவசாயத் தொழிலாளா் சங்க மாவட்டச் செயலா் பாஸ்கா் உள்ளிட்ட பலா் கலந்துகொண்டனா்.