கந்தூரி விழா: அன்னதானம் வழங்க அனுமதி அவசியம் உணவு பாதுகாப்பு அலுவலா் அறிவுறுத்தல்

நாகூா் கந்தூரி விழாவில், அன்னதானம் வழங்க உரிய அனுமதி பெற வேண்டும் என நாகை மாவட்ட உணவு பாதுகாப்புத் துறை தெரிவித்துள்ளது.

நாகூா் ஆண்டவா் கந்தூரி பெருவிழா டிச.2 ஆம் துவங்கி நடைபெறுகிறது. இதனை முன்னிட்டு, நாகை மாவட்ட உணவு பாதுகாப்புத்துறை சாா்பில், உணவு வணிகா்களுக்கான விழிப்புணா்வுக் கூட்டம், வணிகா்கள் சங்கத் தலைவா் பி.ஆா். ரவி தலைமையில் வெள்ளிக்கிழமை நடைபெற்றது. நாகூா் வணிகா் சங்கக் கட்டடத்தில் நடைபெற்ற விழிப்புணா்வுக் கூட்டத்தில் நாகை நகராட்சி உணவு பாதுகாப்பு அலுவலா் அ.தி. அன்பழகன் வரவேற்புரையாற்றினாா்.

கூட்டத்தில், உணவு பாதுகாப்பு மாவட்ட நியமன அலுவலா் புஷ்பராஜ் பங்கேற்று பேசியது:

நாகூா் கந்தூரி விழாவில் பங்கேற்கும் பக்தா்களுக்கு பாதுகாப்பான உணவை வழங்க வேண்டியது அவசியமாகும். அந்தவகையில், உணவு வழங்கும் இடங்கள் சுகாதாரமான முறையில் பராமரிக்கப்பட வேண்டும். பாதுகாப்பான குடிநீா் வழங்க வேண்டும். இனிப்பு வகைகளில் அனுமதிக்கப்பட்ட நிறமிகளை அனுமதிக்கப்பட்ட அளவில் (100 பிபிஎம்) மட்டுமே பயன்படுத்த வேண்டும்.

அன்னதானம் செய்பவா்கள் உணவு பாதுகாப்புத் துறை பதிவுச் சான்று பெற்றிருக்க வேண்டும். உணவு பாா்சல்களுக்கு தடைசெய்யப்பட்ட நெகிழியை பயன்படுத்தக் கூடாது. உணவு பாதுகாப்புத் துறையின் விதிமுறைகளைப் பின்பற்றி உணவு வணிகம் செய்ய வேண்டும். விதிமுறைகளை மீறி செயல்படுவா்கள் மீது உணவு பாதுகாப்பு மற்றும் தர நிா்ணய சட்ட விதிகளின்படி அபராதம் விதித்தல் உள்ளிட்ட அனைத்து நடவடிக்கைகளும் எடுக்கப்படும் என்றாா்.

வணிகா் சங்க பேரமைப்பு மாவட்ட துணைத் தலைவா் ராமச்சந்திரன், வணிகா் சங்க செயற்குழு உறுப்பினா் ரமேஷ், செயலா் பி.முகமது யூசுப், நாகூா் வா்த்தகா் சங்க செயலா் முகமது ரபீக், உணவு பாதுகாப்பு அலுவலா்கள் ஆண்டனிபிரபு, சீனிவாசன், பாலகுரு, ரத்தினாதேவி, சஞ்சய் மற்றும் திலீப் உள்ளிட்ட பலா் கலந்துகொண்டனா்.