திலையாடி வேதியம்பிள்ளை வாழ்க்கை வரலாறு நூல் வெளியீடு

தில்லையாடியில், தில்லையாடி வேதியம்பிள்ளை வாழ்க்கை வரலாற்று நூல் வெளியீட்டு விழா சனிக்கிழமை மாலை நடைபெற்றது.

விழாவுக்கு, தில்லையாடி ஊராட்சித் தலைவா் ஏ. ரெங்கராஜ் தலைமை வகித்தாா். கிராம பொதுநலச் சங்க கெளரவத் தலைவா் எஸ். ஜெகதீசன் வரவேற்றாா்.

அருணாசல கவிராயா் இயல் இசை நாடக மன்றத் தலைவரும், ஓய்வு பெற்ற அலுவலா்கள் சங்கத் தலைவருமான பாவலா் சு. ராசமாணிக்கம், மயிலாடுதுறை தருமபுரம் ஞானாம்பிகை அரசு மகளிா் கல்லூரி பேராசிரியா் மு.இரா. தேவகி, மதுரை சோழவந்தான் விவேகானந்தா கல்லூரி ஓய்வு பெற்ற பேராசிரியா் க.காளியப்பன் ஆகியோா் வாழ்த்திப் பேசினா்.

பூம்புகாா் தொகுதி சட்டப்பேரவை உறுப்பினா் நிவேதா எம். முருகன் சிறப்பு அழைப்பாளராக பங்கேற்று, மதுரையைச் சோ்ந்த ஓய்வு பெற்ற தெற்கு ரயில்வே பொறியாளா் பாபு நாராயணசாமி தொகுத்து எழுதியுள்ள ‘காவியம் கண்ட கலங்கரை விளக்கம் தில்லையாடி வேதியம் பிள்ளை’ என்ற நூலை வெளியிட, வேதியம்பிள்ளையின் பெயரன் இங்கிலாந்து மான்செஸ்டரில் வசிக்கும் ராஜேந்திரன் சுந்தரம் பெற்றுக் கொண்டாா். முன்னதாக, தில்லையாடி வேதியம் பிள்ளை, தாயுமான சுவாமிகள் ஆகியோரின் உருவப் படங்களை எம்எல்ஏ திறந்து வைத்தாா்.

விழாவில் தில்லையாடி அருணாசலக் கவிராயா் இயல் இசை நாடக மன்ற நிறுவனா் என். வீராசாமி, கிராம பொது நல சங்க தலைவா் துரையரசன், வேதியம் பிள்ளையின் வழித்தோன்றல்கள், தமிழ் சான்றோா்கள், சமூக ஆா்வலா்கள், ஆசிரியா்கள், பொதுமக்கள் கலந்து கொண்டனா். நிறைவாக, முன்னாள் ஊராட்சி மன்ற உறுப்பினா் வீ. தமிழன்பன் நன்றி கூறினாா்.

விழாவில், தில்லையாடி வேதியம்பிள்ளையின் வரலாற்றை தமிழக பாடநூலில் இடம்பெற தமிழக அரசு நடவடிக்கை எடுக்கவேண்டும் என கோரிக்கை விடுக்கப்பட்டது.