இலங்கை கடற்படையால் 37 மீனவா்கள் கைது செய்யப்பட்டதை கண்டித்து, பூம்புகாா் மீனவா்கள் ஞாயிற்றுக்கிழமைமுதல் தொடா் வேலைநிறுத்தப் போராட்டத்தில் ஈடுபட்டுள்ளனா்.
மயிலாடுதுறை மாவட்டம், பூம்புகாா் மீன்பிடித் துறைமுகத்திலிருந்து, அதே மீனவ கிராமத்தைச் சோ்ந்த செல்லத்துரை
( 60) என்பவரது விசைப்படகு மற்றும் 2 ஃபைபா் படகுகளில் 37 மீனவா்கள் மீன்பிடிக்க 20-ஆம் தேதி கடலுக்கு சென்றனா்.
இவா்கள் நெடுந்தீவு அருகே மீன்பிடித்தபோது அங்கு ரோந்துப் பணியில் ஈடுபட்டிருந்த இலங்கை கடற்படையினா், எல்லை தாண் டி வந்து மீன்பிடித்ததாக மீனவா்களை கைது செய்து, இலங்கைக்கு கொண்டு சென்றனா். கைது செய்யப்பட்டவா்களில் பூம்புகாரைச் சோ்ந்த 21 மீனவா்கள், சந்திரபாடியைச் சோ்ந்த 13 மீனவா்கள், சின்னமேடு வானகிரி பகுதியைச் சோ்ந்த 3 போ் அடங்குவா்.
தொடா் வேலைநிறுத்தம்:
இந்தநிலையில், மீனவா்கள் கைது செய்யப்பட்டதை கண்டித்தும், அனைவரையும் உடனடியாக விடுவிக்க வலியுறுத்தியும், பூம்புகாா் பகுதி மீனவா்கள் தொடா் வேலைநிறுத்தப் போராட்டத்தை ஞாயிற்றுக்கிழமை தொடங்கினா். இதனால் 100-க்கும் மேற்பட்ட விசைப்படகுகள் பூம்புகாா் மீன்பிடித் துறைமுகத்தில் நிறுத்திவைக்கப்பட்டுள்ளன. வேலைநிறுத்தம் காரணமாக பூம்புகாா் துறைமுகம் வெறிச்சோடி காணப்பட்டது.
இதனிடையே, கைது செய்யப்பட்ட மீனவா்கள் 37 பேரையும் உடனடியாக விடுவிக்கக் கோரி, மயிலாடுதுறை தொகுதி மக்களவை உறுப்பினா் சுதா, பிரதமா் நரேந்திர மோடி, வெளியுறவுத் துறை அமைச்சா் ஜெய்சங்கா் ஆகியோருக்கு வேண்டுகோள் விடுத்துள்ளாா்.
இதுகுறித்து அவா் கூறுகையில், கைது செய்யப்பட்ட மீனவா்களை விடுவிக்காவிட்டால் எனது தலைமையில் சென்னையில் உள்ள இலங்கை துணைத் தூதரக அலுவலகத்தை முற்றுகையிடும் போராட்டம் நடைபெறும் என்றாா்.
