சுடச்சுட

    

    சாலையை சீரமைக்கக் கோரி மார்க்சிஸ்ட் கம்யூனிஸ்ட் சாலை மறியல்

    By திருவாரூர்,  |   Published on : 04th March 2016 05:53 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    சாலையை சீரமைக்கக் கோரி, திருவாரூர் அருகேயுள்ள மாங்குடி கடைத் தெருவில் மார்க்சிஸ்ட் கம்யூனிஸ்ட் கட்சியினர் பொதுமக்களுடன் இணைந்து வியாழக்கிழமை சாலை மறியல் போராட்டத்தில் ஈடுபட்டனர்.

    திருவாரூர் அருகே பாண்டவையாறு பாலம் முதல் புலிவலம் வரை மிகவும் மோசமான நிலையிலுள்ள சாலையை சீரமைக்க வேண்டுமென்ற கோரிக்கையை வலியுறுத்தி, ஏற்கெனவே மார்க்சிஸ்ட் கம்யூனிஸ்ட் கட்சியினர் சாலை மறியல் போராட்டம் நடத்தப்போவதாக அறிவித்திருந்தனர்.

    இதையடுத்து, அலுவலர்கள் கட்சி நிர்வாகிகளுடன் பேச்சுவார்த்தை நடத்தியதைத் தொடர்ந்து மறியல் போராட்டம் விலக்கிக்கொள்ளப்பட்டது. ஆனால், இதுவரை சாலை சீரமைப்புப் பணிகள் தொடங்கப்படவில்லை. எனவே, பாண்டவையாறு முதல் புலிவலம் வரை பள்ளமும், மேடாக உள்ள சாலையை சீரமைக்க வேண்டும் எனவும், ஏற்கெனவே சாலைப் பணிகள் வாக்குறுதி அளித்து அதை நிறைவேற்றாத அரசு அலுவலர்களைக் கண்டித்து திருவாரூர் அருகேயுள்ள மாங்குடி கடைத் தெருவில் வியாழக்கிழமை சாலை மறியல் போராட்டம் நடைபெற்றது.

    கட்சியின் மாவட்டச் செயலர் நாகராஜன் தலைமையில் நடைபெற்ற மறியலில் மாவட்ட செயற்குழு உறுப்பினர்கள் பழனிவேல், சாமியப்பன், இடும்பையன், ஒன்றியச் செயலர் மாதவன் மற்றும் நிர்வாகிகள், கட்சியினர், பொதுமக்கள் பங்கேற்றனர்.

    தகவலறிந்த தாலுகா காவல் நிலையப் போலீஸார், நெடுஞ்சாலைத்துறையினர் அங்கு சென்று மறியலில் ஈடுபட்டவர்களிடம் பேச்சுவார்த்தை நடத்தியதைத் தொடர்ந்து மறியல் கைவிடப்பட்டது. இதனால் திருத்துறைப்பூண்டி - திருவாரூர் சாலையில் சுமார் 1 மணி நேரம் போக்குவரத்து பாதிக்கப்பட்டது.

     

     

    Thirumana Porutham
    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai