வித்வான்மானைக்கால் திரெளபதியம்மன் கோயிலில் தீமிதி திருவிழா

திருத்துறைப்பூண்டி அருகேயுள்ள வித்வான்மானைக்கால் திரெளபதியம்மன் கோயிலில் தீமிதி திருவிழா திங்கள்கிழமை நடைபெற்றது. 
இக்கோயிலில், தீமிதி விழாவையொட்டி, ஏப். 6-ஆம் தேதியிலிருந்து நாள்தோறும் சுவாமிக்கு சிறப்பு வழிபாடுகள் நடைபெற்று வந்தது. நிகழ்ச்சியை தொடர்ந்து, ஞாயிற்றுக்கிழமை பக்தர்கள் பால் காவடி, மாவிளக்கு முடிஎடுத்தல் உள்ளிட்ட நேர்த்திக் கடன் செலுத்தினர். திங்கள்கிழமை நடைபெற்ற தீமிதி விழாவில், தீக்குண்டத்தில் பக்தர்கள் இறங்கி நேர்த்திக் கடன் செலுத்தினர். அடுத்து, படுகளக் காட்சியும் அம்பாள் வீதிஉலாவும் நடைபெற்றது. விழாவையொட்டி, நாள்தோறும்  மகா பாரதக் கதை பாடல்கள் பாடப்பட்டன.