Enable Javscript for better performance
ரயில்வே சரக்கு போக்குவரத்தில் வருவாய் இழப்பைத் தடுக்க காவிரி மேலாண்மை வாரியம் அமைக்க வேண்டும்: தட்சி- Dinamani

சுடச்சுட

    

    ரயில்வே சரக்கு போக்குவரத்தில் வருவாய் இழப்பைத் தடுக்க காவிரி மேலாண்மை வாரியம் அமைக்க வேண்டும்: தட்சிண ரயில்வே எம்ப்ளாயீஸ் யூனியன்

    By DIN  |   Published on : 09th April 2018 12:44 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    காவிரி மேலாண்மை வாரியம் அமைத்து, டெல்டா விவசாயம் மீண்டால் மட்டுமே ரயில்வேயின் சரக்கு போக்குவரத்தில் இழப்பைத் தடுக்க முடியும் என, தட்சிண ரயில்வே எம்ப்ளாயீஸ் யூனியன் கருத்து தெரிவித்துள்ளது.
    இதுதொடர்பாக, தட்சிண ரயில்வே எம்ப்ளாயீஸ் யூனியன் துணைப் பொதுச் செயலாளர் மனோகரன், நீடாமங்கலத்தில் செய்தியாளர்களிடம் ஞாயிற்றுக்கிழமை கூறியது:
    ஆண்டுதோறும் டெல்டா மாவட்டங்களில் விளைவிக்கப்படும் நெல் மணிகள் தமிழ்நாடு சிவில் சப்ளை நிறுவனம் மூலம் கொள்முதல் செய்யப்பட்டு, சரக்கு ரயில்கள் மூலம் பல்வேறு பகுதிகளுக்கு அனுப்பிவைக்கப்படும். இதனால், தெற்கு ரயில்வேயின் திருச்சி கோட்டத்துக்கு நல்ல வருவாய் கிடைத்து வந்தது.  இந்நிலையில், காவிரியில் உரிய தண்ணீர் கிடைக்காமல் கடந்த சில ஆண்டுகளாக சாகுபடி பரப்பு குறைந்து வருவதால், நெல் விளைச்சல் குறைந்து இப்பகுதி ரயில்வே சரக்கு போக்குவரத்திலும் பாதிப்பு ஏற்பட்டுள்ளது. 
    டெல்டா மாவட்ட நெல் மூட்டைகளை ஏற்றிச் செல்வதால் மட்டும் ரயில்வேக்கு கிடைத்து வந்த வருவாய் ஆண்டுதோறும் குறைந்து வருகிறது. இதனால் கடந்த 7 ஆண்டுகளில் சுமார் ரூ.130 கோடி வருவாய் இழப்பு ஏற்பட்டுள்ளது. எனவே, காவிரி மேலாண்மை வாரியம் அமைந்து, முறையாக தண்ணீர் பங்கீடு செய்து,  டெல்டா விவசாயம் மீட்கப்பட்டால் மட்டுமே ரயில்வேயின் சரக்கு போக்குவரத்தில் தொடரும் இழப்பை தடுக்க முடியும் என்றார்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai