ஸ்ரீதிரௌபதியம்மன் கோயிலில் தீமிதி விழா

நீடாமங்கலம் ஸ்ரீதிரௌபதியம்மன் கோயிலில் தீமிதி விழா திங்கள்கிழமை  நடைபெற்றது. 
திரௌபதியம்மன் கோயில் 40-ஆவது ஆண்டு தீமிதி பிரம்மோத்ஸவம் ஏப்.16-ஆம் தேதி முதல் தொடங்கி நடைபெற்று வருகிறது. இதையொட்டி, நாள்தோறும் அம்மன் மற்றும் பரிவாரத் தெய்வங்களுக்கு சிறப்பு அபிஷேக ஆராதனைகள், அலங்காரம் செய்யப்பட்டு, மகாதீபாராதனை நடைபெற்று வருகிறது. இரவு சீர்காழி பம்பை தங்கமாரிமுத்து குழுவினரின் பாரத கதை நடைபெற்று வருகிறது. திங்கள்கிழமை தீமிதி விழா நடைபெற்றது. இதையொட்டி, சுவாமிக்கு கூந்தல் முடிதல் அபிஷேக ஆராதனைகள், இரவு திரௌபதியம்மன் தனியாகவும், அர்ச்சுனர், திரௌபதி, கிருஷ்ணர் ஒரு சேர வீதியுலா நடைபெற்றது. ஏப்.26-ஆம் தேதி விழா நிறைவடைகிறது.