சுடச்சுட

    

    சென்னை வடக்கு மண்டலத்துக்கு 950 டன் சன்னரக நெல் அனுப்பி வைப்பு

    By DIN  |   Published on : 02nd June 2018 08:53 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    நீடாமங்கலத்திலிருந்து சென்னை வடக்கு மண்டலத்துக்கு 950 டன் சன்னரக நெல் அரவைக்காக வெள்ளிக்கிழமை  சரக்கு ரயிலில் அனுப்பி வைக்கப்பட்டது.
    நீடாமங்கலம், மன்னார்குடி பகுதிகளில் உள்ள அரசு நேரடி நெல் கொள்முதல் நிலையங்களில் கொள்முதல் செய்யப்பட்ட நெல் மற்றும் திறந்தவெளி சேமிப்பு மையங்கள், சுந்தரக்கோட்டை நவீன அரிசி ஆலை ஆகியவற்றில் இருப்பு வைக்கப்பட்ட நெல் ஆக 950 டன் எடையுள்ள நெல் 78 லாரிகளில் நீடாமங்கலம் ரயில் நிலையத்துக்கு வெள்ளிக்கிழமை   கொண்டுவரப்பட்டது.
    சுமை தூக்கும் தொழிலாளர்கள் நெல் மூட்டைகளை சரக்கு ரயிலின் 26 பெட்டிகளில் ஏற்றினர். இதைத்தொடர்ந்து, நெல் மூட்டைகள் அரவைக்காக சென்னை வடக்கு மண்டலத்துக்கு அனுப்பி வைக்கப்பட்டது.
    போக்குவரத்து நெருக்கடி: நெல் மூட்டைகள் ரயில் நிலையத்துக்கு பல்வேறு ஊர்களிலிருந்து ஏற்றி வந்த நிலையில், நீடாமங்கலம் கடைவீதியில் லாரி ஒன்றின் டயர் பழுதானதால் சாலையின் ஒருபுறம் அந்த லாரி நின்றது. இதனால் அந்த லாரியின் பின்னாள் வந்த லாரிகளும், பேருந்துகளும் நின்ற லாரியை கடந்து செல்ல முயன்றபோது எதிரிலும் வாகனங்கள் அணிவகுத்ததால் சாலையின் இருபுறமும் வாகனங்கள் தாறுமாறாக செல்ல முயன்றன. இதனால் சாலைப் போக்குவரத்தில் சுமார் 2 மணி நேரம் தாமதம் ஏற்பட்டது.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai