சுடச்சுட

    

    குறுவை தொகுப்புத் திட்டத்தால் விவசாயிகளுக்கு எந்த பலனும் இல்லை: மார்க்சிஸ்ட் கம்யூனிஸ்ட் 

    By DIN  |   Published on : 16th June 2018 12:47 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    தமிழக அரசு அறிவித்துள்ள குறுவை தொகுப்புத் திட்டத்தால் விவசாயிகளுக்கு எந்த பலனும் ஏற்பட போவதில்லை என மார்க்சிஸ்ட் கம்யூனிஸ்ட் கட்சி தெரிவித்துள்ளது.
    இது தொடர்பாக மார்க்சிஸ்ட் கம்யூனிஸ்ட் கட்சியின் மாநிலக்குழு உறுப்பினர் ஐ.வி. நாகராஜன், திருவாரூர் மாவட்டம், நீடாமங்கலத்தில் வெள்ளிக்கிழமை செய்தியாளர்களிடம் கூறியது :  
    மேட்டூர் அணை திறக்காததால், விவசாயம் பாதிக்கும் நிலை ஏற்பட்டுள்ளது. 
    இந்த நிலையில், தமிழக அரசு குறுவை தொகுப்புத் திட்டம் என்ற ஒரு திட்டத்தை அறிவித்து, அதற்காக அரசு ரூ.115 கோடி நிதி ஒதுக்கியுள்ளது. கடந்த ஆண்டும் இதேபோல் குறுவை தொகுப்புத் திட்டம் அறிவிக்கப்பட்டது. ஆனால், விவசாயிகள் அந்த திட்டத்தால் பயனடைந்ததாக தெரியவில்லை.
    விவசாயிகளுக்கு மாதாந்திர இழப்பீட்டுத் தொகை வழங்கினால் தான் அவர்களைப் பாதுகாக்க முடியும். கடும் வறட்சி காரணமாக ஆங்காங்கே நிலத்தடி நீர்மட்டம் குறைந்துவிட்டது. குடிநீருக்குக் கூட ஆபத்து ஏற்படும் நிலைவுள்ளது.
    டெல்டா மாவட்ட விவசாயிகள், விவசாயத் தொழிலாளர்கள் பொருளாதார ரீதியில் வருமானம் இழந்து, கடுமையாக பாதிக்கப்பட்டுள்ளனர். இவற்றையெல்லாம் கருத்தில் கொள்ளாமல் குறுவை தொகுப்புத் திட்டத்தை அறிவிப்பதால் எந்த பலனும் ஏற்படப் போவதில்லை என்றார் அவர்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai