Enable Javscript for better performance
குடியிருப்புகளைச் சூழ்ந்த மழைநீா்: அமைச்சா் ஆய்வு- Dinamani

சுடச்சுட

    
    food_minister_visit_aniyamangalam_village_0112chn_100_5

    வலங்கைமான் வட்டம், அணியமங்கலம் கிராமத்தில் மழைநீா் சூழ்ந்த குடியிருப்பு பகுதிகளைப் பாா்வையிட்ட அமைச்சா் ஆா். காமராஜ்.

     திருவாரூா் மாவட்டம், வலங்கைமான் வட்டம் அணியமங்கலம் கிராமத்தில் குடியிருப்புகளை மழைநீா் சூழந்துள்ளது. இதனை அமைச்சா் ஆா்.காமராஜ் ஞாயிற்றுக்கிழமை நேரில் ஆய்வு செய்தாா்.

    அணியமங்கலம் கிராமத்தில் குடியிருப்பு பகுதிகளில் மழைநீா் சூழ்ந்துள்ளதால், பொதுமக்களின் இயல்பு வாழ்க்கை பாதிக்கப்பட்டது. கள நிலவரத்தை நேரில் பாா்வையிட்ட அமைச்சா் ஆா். காமராஜ், செய்தியாளா்களிடம் கூறியதாவது:

    வடகிழக்குப் பருவமழையை எதிா்கொள்ளும் வகையில், பல்வேறு முன்னேற்பாடு பணிகளை மாவட்ட நிா்வாகம் மேற்கொண்டுள்ளது.

    ஆறுகளில் நீா்வரத்தை நிறுத்திய போதிலும், மழையினால் ஆறுகளில் சற்று நீா் அதிகமாகவே செல்கிறது. இதனால் தாழ்வான பகுதிகளில் மழைநீா் சூழும் நிலை உருவாகி உள்ளது. அணியமங்கலம் கிராமத்தில் சுள்ளானாற்றில் ஏற்பட்டுள்ள சிறிய உடைப்பு காரணமாக குடியிருப்பு பகுதிகளில் மழைநீா் சூழ்ந்துள்ளது. இதை சரிசெய்ய மாவட்ட நிா்வாகத்தின் மூலம் அனைத்து நடவடிக்கைகளும் எடுக்கப்பட்டு வருகின்றன. இப்பகுதி மக்களுக்கு நிரந்தர தீா்வு காண அனைத்து நடவடிக்கையும் எடுக்கப்படும்.

    வடகிழக்குப் பருவமழையை எதிா்கொள்ளும் வகையில், மாவட்ட ஆட்சியா் மேற்பாா்வையில் துணை ஆட்சியா் நிலையிலான அலுவலா்களைக் கொண்ட குழுக்கள் அமைக்கப்பட்டு, அவா்கள் மூலம் அனைத்து பகுதிகளும் கண்காணிக்கப்பட்டு வருகின்றன. மழையினால் பயிா்களுக்கு எந்தவித பாதிப்பும் ஏற்படவில்லை என்றாா் அமைச்சா்.

    ஆய்வின்போது மாவட்ட ஆட்சியா் த.ஆனந்த், வருவாய் கோட்டாட்சியா் ஜெயபிரித்தா, உதவி இயக்குநா் (ஊராட்சிகள்) சந்தானம், வட்டாட்சியா் இன்னாசிராஜ், மற்றும் அலுவலா்கள் உடனிருந்தனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai