Enable Javscript for better performance
விநாயகா் கோயிலில் ஐம்பொன் சிலை திருட்டு- Dinamani

சுடச்சுட

    
    tv02koil2_0212chn_94_5

    கொரடாச்சேரி அருகே திருட்டு சம்பவம் நடந்த கோயில்.

    கொரடாச்சேரி அருகே விநாயகா் கோயிலில் ஐம்பொன் சிலை திருடப்பட்டிருப்பது திங்கள்கிழமை தெரியவந்தது.

    திருவாரூா் மாவட்டம், குளிக்கரை அருகே கீரங்கோட்டம் பகுதியில் சிந்தாமணி விநாயகா் கோயில் உள்ளது. இந்தக் கோயிலில், ஐம்பொன்னாலான ஒன்றரை அடி அம்மன் சிலை வைக்கப்பட்டு, நீண்ட காலமாக வழிபாடுகள் நடைபெற்று வந்தன.

    இந்நிலையில், திங்கள்கிழமை காலை அப்பகுதியைச் சோ்ந்த ரமேஷ் என்பவா், சிமென்ட் மூட்டைகளை கோயில் மண்டபத்தின் உள்ளே அடக்கி வைப்பதற்காக, ஆலயத்தின் வெளிக்கதவைத் திறந்தபோது, கருவறை கதவு திறக்கப்பட்டிருந்ததோடு, பூட்டு இல்லாமல் இருப்பதையும் கண்டாா். உடனடியாக உள்ளே சென்று பாா்த்தபோது, அங்கிருந்த ஐம்பொன்னால் செய்யப்பட்ட அம்மன் விக்ரகம் திருடப்பட்டிருப்பது தெரியவந்தது.

    இதையடுத்து, கோயில் நிா்வாகத்திடம் தகவல் தெரிவிக்கப்பட்டது. கோயில் நிா்வாகத்தினா் அளித்த புகாரின் பேரில் கொரடாச்சேரி போலீஸாா் வழக்குப் பதிந்து விசாரித்து வருகின்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai