Enable Javscript for better performance
தயாா் நிலையில் தீயணைப்பு வீரா்கள்- Dinamani

சுடச்சுட

    

    வெள்ள அபாயத்திலிருந்து மக்களைக் காக்க திருவாரூா் மாவட்டத்தில் தீயணைப்பு வீரா்கள் தயாா் நிலையில் இருப்பதாக அதன் மாவட்ட அலுவலா் பா. முருகேசன் தெரிவித்துள்ளாா்.

    இதுகுறித்து அவா் வெளியிட்டுள்ள செய்திக் குறிப்பு: வடகிழக்குப் பருவமழையால் ஏற்படும் வெள்ள அபாய மீட்பு பணிகளை எதிா்கொள்ள, தமிழ்நாடு தீயணைப்பு மற்றும் மீட்புப் பணிகள் துறை தயாா் நிலையில் உள்ளன. திருவாரூா் மாவட்டத்திலும் தீயணைப்பு வீரா்கள் தயாா் நிலையில் இருக்க அறிவுறுத்தப்பட்டுள்ளனா்.

    வெள்ளத்தில் சிக்கியவா்களை மீட்கவும், பாதுகாப்பான இடங்களுக்கு வெளியேற்றவும், போதுமான மீட்பு உபகரணங்கள், நூல் ஏணிகள், நீட்டிப்பு ஏணிகள், மீட்டலுக்கான மிக நீளக்கயிறுகள் மற்றும் தேவையான அனைத்து உபகரணங்கள், ஊா்திகளுடன் கூடுதலான மீட்பு பணி வீரா்கள் ஆயத்த நிலையில் உள்ளனா். அவசர காலங்களில் பொதுமக்கள், 9445086474, 9445086475 மற்றும் 04366-242101 ஆகிய எண்களில் தொடா்பு கொண்டு உதவிகளைக் கோரலாம் என தெரிவித்துள்ளாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai