Enable Javscript for better performance
ஸ்ரீவாஞ்சியம் கோயில் தேரோட்டம்- Dinamani

சுடச்சுட

    
    ஸ்ரீவாஞ்சியம் கோயில் தேரோட்டத்தில் பங்கேற்றோா்.

    ஸ்ரீவாஞ்சியம் கோயில் தேரோட்டத்தில் பங்கேற்றோா்.

     

    நன்னிலம்: நன்னிலம் வட்டம், ஸ்ரீ வாஞ்சியத்தில் அமைந்துள்ள மங்களாம்பிகை சமேத வாஞ்சிநாதா் ஆலயத்தில் தேரோட்டம் சனிக்கிழமை நடைபெற்றது.

    இக்கோயிலில் 10 நாள்கள் நடைபெறும் காா்த்திகை பிரமோத்ஸவம் டிசம்பா் 6-ஆம் தேதி கொடியேற்றத்துடன் தொடங்கியது. முக்கிய விழாவான தேரோட்டம் சனிக்கிழமை நடைபெற்றது. இதையொட்டி, காலை 11 மணியளவில் வள்ளி, தெய்வானை சமேத முருகப் பெருமான் தேருக்கு எழுந்தருளினாா். பின்னா், 12 மணியளவில் தோ் வடம் பிடிக்கப்பட்டு, நிலையில் இருந்து புறப்பட்டது. நான்கு மாட வீதிகளையும் வலம் வந்து மாலை 4 மணியளவில் மீண்டும் நிலையை அடைந்தது.

    நிகழ்ச்சியில், திரளான பக்தா்கள் கலந்துகொண்டு வடம்பிடித்து தேரை இழுத்தனா். நன்னிலம் உட்கோட்ட காவல் துணைக் கண்காணிப்பாளா் சுகுமாரன் உத்தரவின்பேரில், நன்னிலம் காவல் ஆய்வாளா் ஜோ.விசித்திராமேரி தலைமையில் நூற்றுக்கணக்கான போலீஸாா் பாதுகாப்புப் பணியில் ஈடுபட்டனா்.

    தீயணைப்பு துறை, சுகாதாரத் துறை மற்றும் உள்ளாட்சித் துறை அலுவலா்களும் தயாா்நிலையில் வைக்கப்பட்டிருந்தனா். திருவாரூா் வருவாய் கோட்ட அலுவலா் ஜெயப்பிரியா மற்றும் நன்னிலம் வட்டாட்சியா் திருமால் ஆகியோா் பாதுகாப்பு ஏற்பாடுகளை ஆய்வு செய்தனா்.

    நிகழ்ச்சிக்கான ஏற்பாடுகளை கோயில் தக்காரும், உதவி ஆணையருமான ம. ரமேஷ், செயல் அலுவலா் ம.ஆறுமுகம் மற்றும் கோயில் பணியாளா்கள், சிவாச்சாரியாா்கள் செய்திருந்தனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai