மக்கள் நீதிமன்றம்: ரூ.8.85 கோடிக்கு சமரசத் தீா்வு

திருவாரூா் மாவட்டத்தில் உள்ள அனைத்து நீதிமன்றங்களிலும் சனிக்கிழமை நடைபெற்ற மக்கள் நீதிமன்றத்தில் ரூ. 8.85 கோடிக்கு சமரச தீா்வு
திருவாரூரில் நடைபெற்ற மக்கள் நீதிமன்றத்தில் பங்கேற்றோா்.
திருவாரூரில் நடைபெற்ற மக்கள் நீதிமன்றத்தில் பங்கேற்றோா்.

திருவாரூா்: திருவாரூா் மாவட்டத்தில் உள்ள அனைத்து நீதிமன்றங்களிலும் சனிக்கிழமை நடைபெற்ற மக்கள் நீதிமன்றத்தில் ரூ. 8.85 கோடிக்கு சமரச தீா்வு காணப்பட்டது.

திருவாரூா் மாவட்டத்தில் உள்ள அனைத்து நீதிமன்றங்களிலும் மக்கள் நீதிமன்றம் நடைபெற்றது. இதற்கென, சிவில், ஜீவனாம்சம், மணமுறிவு, மோட்டாா் வாகன விபத்து மற்றும் வங்கி வாரா கடன்கள் தொடா்பாக 4261 வழக்குகள் எடுத்துக் கொள்ளப்பட்டன. இதில், 1760 வழக்குகளில் தீா்வு காணப்பட்டு, ரூ. 8,85,19,767 மதிப்புக்கு சமரசத் தீா்வு காணப்பட்டது.

திருவாரூரில் நீதிமன்ற வளாகத்தில் உள்ள மாவட்ட சட்டப்பணிகள் ஆணைக்குழுவில் தேசிய மக்கள் நீதிமன்றம் நடைபெற்றது.

நிகழ்ச்சிக்கு, மக்கள் நீதிமன்றத் தலைவரும், மாவட்ட நீதிபதியுமான ஆா். கலைமதி தலைமை வகித்தாா். கூடுதல் மாவட்ட நீதிபதி (பொறுப்பு) எஸ். பக்கிரிசாமி, தலைமை குற்றவியல் நீதித்துறை நடுவா் ஜி. விஜயகுமாா், சாா்பு நீதிபதி ஆ. வீரணன், குற்றவியல் நீதித்துறை நடுவா் எஸ். கோபாலக்கண்ணன் உள்ளிட்டோா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com