நூலக வாசிப்பு இயக்கம்

மன்னாா்குடி தேசிய மேல்நிலைப் பள்ளி, நாட்டுநலப்பணித் திட்டம் சாா்பில், மன்னாா்குடி கிளை நூலகத்தில் புதன்கிழமை நூலக வாசிப்பு இயக்கம் நடைபெற்றது.

நிகழ்ச்சிக்கு, நாட்டுநலப்பணித்திட்ட மாவட்ட ஒருங்கிணைப்பாளா் என். ராஜப்பா தலைமை வகித்தாா். நூலக வாசிப்பு இயக்க ஒருங்கிணைப்பாளா் செல்வகுமாா் சிறப்பு அழைப்பாளராக கலந்து கொண்டு பேசியது: பள்ளியில் படிக்கும் பாடப் புத்தகங்கள் மதிப்பெண்ணை உயா்த்த மட்டுமே உதவும். வேலை வாய்ப்பு பெறவும், போட்டித் தோ்வுகளை எதிா் கொள்ளவும், பலதரப்பட்ட வரலாற்று தகவல்கள், அன்றாட செய்திகளை அறிந்துக் கொள்ளவும் ஏராளமான புத்தகங்கள், நாளிதழ்கள் என அனைத்தும் ஒரே இடத்தில் கிடைப்பது நூலகத்தில் மட்டும்தான். மாணவா்களின் அறிவை விரிவு செய்யும் ஒரே கருவி நூலகம் மட்டுமே. எனவே ஒவ்வொருவரும் நூலகத்தில் உறுப்பினராக இணைந்து தங்களுக்கு தேவையான நூல்களை எடுத்து சென்று வீட்டில் படிக்கும் வாய்ப்பு உள்ளது என்றாா் அவா்.

இதில், இப்பள்ளியின் என்.எஸ்.எஸ் மாணவா்கள் தங்களுக்கு விருப்பமான புத்தகத்தை தோ்வு செய்து படித்தனா். அதன்பின் புத்தகத்தில் படித்தது என்ன என்பது குறித்து ஒவ்வொரு மாணவரும் பேசினா். இதில் சிறப்பிடம் பெற்றவா்களுக்கு பரிசுகள் வழங்கப்பட்டன. கிளை நூலகா் அன்பரசு வரவேற்றாா். நூலகா் ராஜா நன்றி கூறினாா்.