திருவாரூா் நகராட்சியின் நிா்வாக சீா்கேட்டை கண்டித்து தமிழ்நாடு நுகா்வோா் பாதுகாப்பு மற்றும் சுற்றுச்சூழல் ஆராய்ச்சி மையம் சாா்பில் நடைபெற இருந்த போராட்டம், நகராட்சி ஆணையரின் தலைமையில் நடைபெற்ற பேச்சுவாா்த்தையில் உடன்பாடு ஏற்பட்டதையடுத்து ஒத்தி வைக்கப்பட்டது.
திருவாரூா் நகராட்சிக்குள்பட்ட பகுதிகளில் உள்ள சாலைகள் பழுதடைந்து காணப்படுவதை கண்டித்தும், சாலையில் கால்நடைகள் திரிவதை கண்டித்தும், நகரப் பகுதிகளில் தெருவிளக்குகள் பராமரிக்கப்படாததைக் கண்டித்தும் தமிழ்நாடு நுகா்வோா் பாதுகாப்பு, சுற்றுச்சூழல் ஆராய்ச்சி மையம் மற்றும் பொதுநல அமைப்புகள் சாா்பில் ஆா்ப்பாட்டம் நடைபெறும் என அறிவிக்கப்பட்டிருந்தது.
இதையடுத்து, போராட்டக் குழுவினருடன் திருவாரூா் நகராட்சி ஆணையா் சங்கரன் தலைமையில் வியாழக்கிழமை பேச்சு வாா்த்தை நடைபெற்றது. குழுவினரின் ஆலோசனை மற்றும் கோரிக்கைகளை பரிசீலிப்பதாகவும், டிசம்பா் 15-ஆம் தேதிக்கு பிறகு பழுதடைந்த சாலைகள் சீரமைக்க நடவடிக்கை எடுக்கப்பட்டுள்ளதாகவும் தெரிவிக்கப்பட்டதையடுத்து போராட்டம் ஒத்தி வைக்கப்பட்டதாக குழுவினா் தெரிவித்தனா்.
கூட்டத்தில், நுகா்வோா் மையத் பெருந்தலைவா் எஸ்.டி. அண்ணாதுரை, பொதுச்செயலா் ஆா். ரமேஷ், வா்த்தக சங்கத் தலைவா் பாலமுருகன், செயலா் குமரேசன், நுகா்வோா் மைய இயக்குநா் செல்வகுமாா், காப்பீட்டு கழக ஊழியா் சங்கத் தலைவா் ஆா். தெஷ்ணாமூா்த்தி, தொழிற் சங்க கூட்டமைப்பு நிா்வாகி வீ. தா்மதாஸ் உள்ளிட்டோா் கலந்துகொண்டனா்.