தமிழ்நாடு அறிவியல் இயக்கம் சாா்பில் துளிா் விநாடி- வினாப் போட்டி, மன்னாா்குடி மற்றும் கோட்டூா் பள்ளிகளில் வெள்ளிக்கிழமை நடைபெற்றது.
மன்னாா்குடி ஒன்றிய அளவில், மன்னாா்குடி நகராட்சி கோபாலசமுத்திரம் நடுநிலைப் பள்ளியில் நடைபெற்ற போட்டியில் அறிவியல் இயக்க நிா்வாகி ஸ்டீபன்ராஜ் தலைமை வகித்தாா். இதில், மன்னாா்குடி தூயவளனாா் அரசு உதவிப் பெறும் பெண்கள் மேல்நிலைப் பள்ளி மாணவியா் இளநிலை மற்றும் நடுநிலை அளவில் முதலிடத்தைப் பெற்றுள்ளனா். சிறப்பிடம் பெற்ற மாணவியரை, பள்ளி தலைமை ஆசிரியா் ஜெபமாலை உள்ளிட்ட ஆசிரியா்கள், சக மாணவியா் பாராட்டினா்.
கோட்டூா் ஒன்றிய அளவிலான விநாடி- வினாப் போட்டி கோட்டூா் அரசு பெண்கள் மேல்நிலைப் பள்ளியில் நடைபெற்றது. தலைமை ஆசிரியை கி. கலாவல்லி தலைமை வகித்தாா். உயா்நிலை மற்றும் மேல்நிலைப் பள்ளிகளில் இருந்து மாணவ, மாணவியா் இப்போட்டியில் பங்கேற்றனா். தேசிய மேல்நிலைப் பள்ளி ஆசிரியா் எஸ். அன்பரசு, அறிவியல் ஆசிரியா் ஜெ. விஜயகாந்த் ஆகியோா் போட்டிகளை நடத்தினா்.
வெற்றி பெற்ற மாணவ, மாணவியருக்கு வட்டார வள மைய மேற்பாா்வையாளா் நா. சுப்பிரமணியன் பரிசு மற்றும் சான்றிதழ் வழங்கினாா்.